Sogn Giachen, eremit, penitent e confessur. pdf: cheu l’entira historia Ils 6 d’avrel: Sogn Giachen, eremit, penitent e confessur Sogn Giachen, igl eremit deriva dalla Siria. Giuvens eis el seretratgs …Daplü
Sogn Giachen, eremit, penitent e confessur.
pdf: cheu l’entira historia Ils 6 d’avrel: Sogn Giachen, eremit, penitent e confessur
Sogn Giachen, igl eremit deriva dalla Siria. Giuvens eis el seretratgs en ina grotta sper il cuolm Carmel e viviu leu 15 onns. Diu ha dau ad el la vertit da scatschar demunis, da medegar malsauns e da far autras ovras miraculusas. Il demuni fa tut pusseivel per scatschar igl eremit pli lunsch e ha tarmess ina schliata femna tier la grotta per surmemar el. Cun tuts rampins e manzegnas ha quella contonschiu che sogn Giachen lai entrar ella. Il sogn porscha cul maun dretg agid, tenend denton adina il maun seniester el fiug per scatschar patratgs carnals. Vesend quei, eis ella vegnida tuccada da Diu cun ina speciala grazia ch’ella ha declarau al sogn siu schliet intent. Il devozius eremit lauda ed engrazia a Diu e tarmetta la dunna tier il sogn uestg Alexander, per schar instruir e battegiar ella. Silsuenter ei la dunna vivida en ina claustra entochen tier sia beada mort. Mo per fugir la vana gloria dil mund, ei sogn Giachen seretratgs en in auter eremitadi. Leu eis el staus 30 onns cun dar audienza a spirituals, paders e seculars. Cheu ei in reh um vegnius tier el cun sia feglia che fuva malspirtada. Tras l’oraziun dil sogn ha il demuni stuiu untgir e la feglia ei stada deliberada. Ils geniturs rogan il sogn da po aunc tener lur feglia in per dis tier el per far la segira. Il bien, mo naiv eremit ei cuntents ed ils geniturs van a casa. Quella ga ha il demuni buca schau fugir la caschun. Igl eremit che veva ussa emblidau sias liungas e strentgas penetienzias ei curdaus el puccau cun la giuvna e daventaus unfrenda dil demuni. Il nausch ha inspirau Giachen da mazzar la giuvna e fierer ella ell’aua, per che siu malfatg vegni buca palesaus. Giachen croda en desperaziun sco Giudas taditur e vesa per el negina speronza pli. El banduna igl eremitadi per turnar anavos en la veta pucconta dil mund per sesentir libers. Giachen passa denton cun egliada desperada viers il profund dalla tiara. Mo Diu ha cun speciala grazia reteniu tals patratgs desperai. Sper via vesa el in foss gronds sco ina grotta emplenius cun ossa da morts. El tucca quella e siu cor entscheiva a tremblar. Vesend en quell’ossa sia mort, caveglia el quella d’in maun e va ella grotta. Leu resta el entuorn 10 onns en penetienzia, senza plidar cun in carstgaun. Bargend confessava el a Diu ses grevs puccaus e rugava di e notg per perdun. Finalmein ha Diu acceptau el e palesau al mund la sontgadad da siu survient sin questa moda: Suenter ina liunga schitgira ha Diu revelau agl uestg da far ina processiun tier quei um sogn en quei schinumnau liug. Quel possi urbir ora dil tschiel la desiderada plievgia. Igl uestg ha denton stuiu ira per la secunda ga tier la grotta, suenter haver fatg cul pievel zacons dis da gigina ed oraziun. Inspirius da Diu aulza el ils egls per l’emprema ga encunter tschiel ed ina buna plievgia bogna la tiara. Tuts ludavan Diu e menavan neutier biars malsauns che vegnevan gest leu medegai dil sogn eremit. Sogn Giachen che miera aunc quei onn, veva giavischau da vegnir satraus en quella grotta. Cun gronda honur ha igl uestg fatg la sepultura e schau ereger leu ina baselgia, nua che sia fiasta vegn mintg’onn tenida solemnamein.
pdf: cheu l’entira historia Ils 6 d’avrel: Sogn Giachen, eremit, penitent e confessur
Sogn Giachen, igl eremit deriva dalla Siria. Giuvens eis el seretratgs en ina grotta sper il cuolm Carmel e viviu leu 15 onns. Diu ha dau ad el la vertit da scatschar demunis, da medegar malsauns e da far autras ovras miraculusas. Il demuni fa tut pusseivel per scatschar igl eremit pli lunsch e ha tarmess ina schliata femna tier la grotta per surmemar el. Cun tuts rampins e manzegnas ha quella contonschiu che sogn Giachen lai entrar ella. Il sogn porscha cul maun dretg agid, tenend denton adina il maun seniester el fiug per scatschar patratgs carnals. Vesend quei, eis ella vegnida tuccada da Diu cun ina speciala grazia ch’ella ha declarau al sogn siu schliet intent. Il devozius eremit lauda ed engrazia a Diu e tarmetta la dunna tier il sogn uestg Alexander, per schar instruir e battegiar ella. Silsuenter ei la dunna vivida en ina claustra entochen tier sia beada mort. Mo per fugir la vana gloria dil mund, ei sogn Giachen seretratgs en in auter eremitadi. Leu eis el staus 30 onns cun dar audienza a spirituals, paders e seculars. Cheu ei in reh um vegnius tier el cun sia feglia che fuva malspirtada. Tras l’oraziun dil sogn ha il demuni stuiu untgir e la feglia ei stada deliberada. Ils geniturs rogan il sogn da po aunc tener lur feglia in per dis tier el per far la segira. Il bien, mo naiv eremit ei cuntents ed ils geniturs van a casa. Quella ga ha il demuni buca schau fugir la caschun. Igl eremit che veva ussa emblidau sias liungas e strentgas penetienzias ei curdaus el puccau cun la giuvna e daventaus unfrenda dil demuni. Il nausch ha inspirau Giachen da mazzar la giuvna e fierer ella ell’aua, per che siu malfatg vegni buca palesaus. Giachen croda en desperaziun sco Giudas taditur e vesa per el negina speronza pli. El banduna igl eremitadi per turnar anavos en la veta pucconta dil mund per sesentir libers. Giachen passa denton cun egliada desperada viers il profund dalla tiara. Mo Diu ha cun speciala grazia reteniu tals patratgs desperai. Sper via vesa el in foss gronds sco ina grotta emplenius cun ossa da morts. El tucca quella e siu cor entscheiva a tremblar. Vesend en quell’ossa sia mort, caveglia el quella d’in maun e va ella grotta. Leu resta el entuorn 10 onns en penetienzia, senza plidar cun in carstgaun. Bargend confessava el a Diu ses grevs puccaus e rugava di e notg per perdun. Finalmein ha Diu acceptau el e palesau al mund la sontgadad da siu survient sin questa moda: Suenter ina liunga schitgira ha Diu revelau agl uestg da far ina processiun tier quei um sogn en quei schinumnau liug. Quel possi urbir ora dil tschiel la desiderada plievgia. Igl uestg ha denton stuiu ira per la secunda ga tier la grotta, suenter haver fatg cul pievel zacons dis da gigina ed oraziun. Inspirius da Diu aulza el ils egls per l’emprema ga encunter tschiel ed ina buna plievgia bogna la tiara. Tuts ludavan Diu e menavan neutier biars malsauns che vegnevan gest leu medegai dil sogn eremit. Sogn Giachen che miera aunc quei onn, veva giavischau da vegnir satraus en quella grotta. Cun gronda honur ha igl uestg fatg la sepultura e schau ereger leu ina baselgia, nua che sia fiasta vegn mintg’onn tenida solemnamein.