Sogn Georgoni e sogn Dorotheus, marters. pdf: cheu l'entira historia / Ils 9 da settember: Sogn Georgoni e sogn Dorotheus, marters Duront 19 onns ein ils fideivels e cartents vegni persequitai grevamein …Daplü
Sogn Georgoni e sogn Dorotheus, marters.
pdf: cheu l'entira historia /
Ils 9 da settember: Sogn Georgoni e sogn Dorotheus, marters
Duront 19 onns ein ils fideivels e cartents vegni persequitai grevamein sut igl imperatur Dioclezian. Sin il Venderdis sogn veva quel fatg publicar crudeivels decrets enten il marcau da Nicomedia. Tuts cristians che adurien buca ils dieus jasters piardien la veta sut nauschas peinas. Denter quels cristians fuvan era Georgoni e Dorotheus, denton mo el zuppau. El palaz digl imperatur rumpa ora in grond barschament e Dioclezian suspecta immediat ils cristians. Malgestamein vegnan biars tgisai e senza far process privai dalla veta ni marterisai. Georgoni e Dorotheus sesanflan era leu tier in dils marteris. Cheu prendan els la caschun da sedeclarar per cristians e dian al imperatur: Sche esser cristian ei in falliment, sche confessein nus era dad esser culpeivels, pertgei nus adurein semegliontamein mo in Diu. Tgei ei cheu falliu d’adurar Diu enstagl vuts e leutras dar honur al demuni? Aschia plaidan ils dus cavaliers avon igl imperatur e lez sa ussa buca tgei far cun els. Il pli bugen vess el gest leu fatg murir tuts cristifideivels. A Maximian, il schiender digl imperatur ei tut quei ch’ils dus cavaliers vevan plidau avon igl imperatur vegniu ad ureglia. El senta che Dioclezian ei buca gagliards avunda da far vendetga enviers Georgoni e Dorotheus, pertgei els ein ses fideivels survients. Perquei va Maximian va tier siu sir e di: Patratga ch’ils cristians ein tes pli gronds inimitgs. Ti has alzau els tier honur e rihezia ed els han giu la gagliardia da far encunter a tes decrets e metter ora tei sco malgest tiran. Has ti buca la curascha da far rigurus process cun quels, sche surlai els a mi. Sin tala tschontscha pretenda Dioclezian ch’ils dus inculpai fetschien unfrendas als dieus digl imperi ni ch’els vegnien strufegiai cun la pli stermentusa mort. Maximian che hassegiava gia daditg ils dus nobels cavaliers, ei ussa leds da haver ils dus cavaliers en ses mauns. Senza process privescha il tiran els da lur custeivla vestgadira, da lur uffecis e lai torturar els crudeivlamein. Ils dus sogns surventschan tuts turments senza lamentar e confessan il sulet ver Diu. Cun fatscha legreivla laudan e benedeschan els il sontgissim Num da Jesus ed engrazian per la ventira da saver pitir per la gloria da Diu. Perquei ordeina il tiran novas torturas cun stender els sil rost da fier sur in fiug. Mo aunc adina laudan ils dus sogns Diu, admoneschan ils pagauns e perdegian il plaid da Jesus Cristus sco sch’els fussen sin ina scantschala. Maximian ussa unfis da tedlar lur priedis, lai strunglar els leu immediat. Quei marteri ei staus igl onn 302. Cun ina solemna sepultura honoreschan ils cristians ils dus sogns marters da Cristus. Il tgierp da sogn Georgoni ei pli tard vegnius translocaus a Ruma e tschentaus en la baselgia da sogn Pieder.
pdf: cheu l'entira historia /
Ils 9 da settember: Sogn Georgoni e sogn Dorotheus, marters
Duront 19 onns ein ils fideivels e cartents vegni persequitai grevamein sut igl imperatur Dioclezian. Sin il Venderdis sogn veva quel fatg publicar crudeivels decrets enten il marcau da Nicomedia. Tuts cristians che adurien buca ils dieus jasters piardien la veta sut nauschas peinas. Denter quels cristians fuvan era Georgoni e Dorotheus, denton mo el zuppau. El palaz digl imperatur rumpa ora in grond barschament e Dioclezian suspecta immediat ils cristians. Malgestamein vegnan biars tgisai e senza far process privai dalla veta ni marterisai. Georgoni e Dorotheus sesanflan era leu tier in dils marteris. Cheu prendan els la caschun da sedeclarar per cristians e dian al imperatur: Sche esser cristian ei in falliment, sche confessein nus era dad esser culpeivels, pertgei nus adurein semegliontamein mo in Diu. Tgei ei cheu falliu d’adurar Diu enstagl vuts e leutras dar honur al demuni? Aschia plaidan ils dus cavaliers avon igl imperatur e lez sa ussa buca tgei far cun els. Il pli bugen vess el gest leu fatg murir tuts cristifideivels. A Maximian, il schiender digl imperatur ei tut quei ch’ils dus cavaliers vevan plidau avon igl imperatur vegniu ad ureglia. El senta che Dioclezian ei buca gagliards avunda da far vendetga enviers Georgoni e Dorotheus, pertgei els ein ses fideivels survients. Perquei va Maximian va tier siu sir e di: Patratga ch’ils cristians ein tes pli gronds inimitgs. Ti has alzau els tier honur e rihezia ed els han giu la gagliardia da far encunter a tes decrets e metter ora tei sco malgest tiran. Has ti buca la curascha da far rigurus process cun quels, sche surlai els a mi. Sin tala tschontscha pretenda Dioclezian ch’ils dus inculpai fetschien unfrendas als dieus digl imperi ni ch’els vegnien strufegiai cun la pli stermentusa mort. Maximian che hassegiava gia daditg ils dus nobels cavaliers, ei ussa leds da haver ils dus cavaliers en ses mauns. Senza process privescha il tiran els da lur custeivla vestgadira, da lur uffecis e lai torturar els crudeivlamein. Ils dus sogns surventschan tuts turments senza lamentar e confessan il sulet ver Diu. Cun fatscha legreivla laudan e benedeschan els il sontgissim Num da Jesus ed engrazian per la ventira da saver pitir per la gloria da Diu. Perquei ordeina il tiran novas torturas cun stender els sil rost da fier sur in fiug. Mo aunc adina laudan ils dus sogns Diu, admoneschan ils pagauns e perdegian il plaid da Jesus Cristus sco sch’els fussen sin ina scantschala. Maximian ussa unfis da tedlar lur priedis, lai strunglar els leu immediat. Quei marteri ei staus igl onn 302. Cun ina solemna sepultura honoreschan ils cristians ils dus sogns marters da Cristus. Il tgierp da sogn Georgoni ei pli tard vegnius translocaus a Ruma e tschentaus en la baselgia da sogn Pieder.