Sogn Wenceslaus, retg e marter. pdf: cheu l'entira historia / gloria.tv/.../YCib7MAMHH Ils 28 da settember: Sogn Wenceslaus, retg e marter Sogn Wenceslaus, naschius entuorn igl onn 904, ei staus fegl …Daplü
Sogn Wenceslaus, retg e marter.
pdf: cheu l'entira historia / gloria.tv/.../YCib7MAMHH
Ils 28 da settember: Sogn Wenceslaus, retg e marter
Sogn Wenceslaus, naschius entuorn igl onn 904, ei staus fegl dil retg Uratislaus dalla Boemia. Quei retg fuva in bien catolic e la mumma pagauna ed inimitga dils cristians. Il bab ei morts che Wenceslaus fuva aunc affon. La tatta Ludmilla pren il buobet tier ella e procura per in bien mussader. Siu frar Boleslaus denton stat tier la mumma che regeva la Boemia. Tras quei ein omisdus buobs vegni educai differentamein: Wenceslaus en la ductrina catolica e Boleslaus en la religiun pagauna. La mumma e Boleslaus odiavan il cristianissem ed han schau serrar las baselgias e scumandau als augsegners da perdegar e dar ductrina. Vesend igl imperatur las confusiuns dalla Boemia, ha el surdau il guvern dil reginavel a duca Wenceslaus. Sin quei seretrai la mumma cun siu fegl en las provinzias che Boleslaus veva artau dil bab. Wenceslaus dismetta tuts decrets encunter ils cristians, tschenta puspei en gests e fideivels administraturs e procura per benedicziun e pasch en siu reginavel. Sper siu grond uffeci pren il sogn era temps per urar, meditar e far bunas ovras. Ferton ch’il pievel selegrava dil bien retg, snarrevan la mumma e siu frar dalla gretta e scuidonza. Manegiond che la tatta Ludmilla fussi la caschun da tut quei, engascha la mumma dus scrocs per prender la veta alla sira. Suenter quei enquera ella la mort da Wenceslaus, per saver turnar anavos cun siu fegl vegl per reger la Boemia. Per quella finamira stiga ella si il prenci Radislaus d’attaccar cun sia armada la Boemia. Sogn Wenceslaus roga senza success per la pasch e propona sinquei il duel denter els dus, per buca che tons innocents vegnien per la veta. Cura che Radislaus ha vuiu perforar cun la lontscha, vesa el dus aunghels en gronda splendur sper Wenceslaus che cloman: Bucca fora! Cheu seglia il prenci giud siu cavagl, semetta en schanuglias avon Wenceslaus, roga per perdun e porscha ad el la victoria. Aunc autras ga ha sogn Wenceslaus giu veseivlamein ses aunghels pertgiraders sper el. Boleslaus ha survegniu in fegl ed envida siu frar tier ina fiasta en casa dalla mumma. Ussa anfla la mumma ina buna caschun da dismetter Wenceslaus. Il sogn che ha suspectau pauc bien, ha avon che far la viseta priu penetienzia e sepervergiau. La sera suenter la tscheina va Wenceslaus da notg en baselgia per far las usitadas oraziuns. La mumma ha lu stigau si l’auter fegl da suandar discusamain il sogn. Cun agen maun ha Boleslaus mazzau siu frar leu en baselgia e quei ils 28 da settember digl onn 938. Silsuenter ein biaras miraclas daventadas. La mumma sco era Boleslaus ein cuort suenter morts sin tresta moda.
pdf: cheu l'entira historia / gloria.tv/.../YCib7MAMHH
Ils 28 da settember: Sogn Wenceslaus, retg e marter
Sogn Wenceslaus, naschius entuorn igl onn 904, ei staus fegl dil retg Uratislaus dalla Boemia. Quei retg fuva in bien catolic e la mumma pagauna ed inimitga dils cristians. Il bab ei morts che Wenceslaus fuva aunc affon. La tatta Ludmilla pren il buobet tier ella e procura per in bien mussader. Siu frar Boleslaus denton stat tier la mumma che regeva la Boemia. Tras quei ein omisdus buobs vegni educai differentamein: Wenceslaus en la ductrina catolica e Boleslaus en la religiun pagauna. La mumma e Boleslaus odiavan il cristianissem ed han schau serrar las baselgias e scumandau als augsegners da perdegar e dar ductrina. Vesend igl imperatur las confusiuns dalla Boemia, ha el surdau il guvern dil reginavel a duca Wenceslaus. Sin quei seretrai la mumma cun siu fegl en las provinzias che Boleslaus veva artau dil bab. Wenceslaus dismetta tuts decrets encunter ils cristians, tschenta puspei en gests e fideivels administraturs e procura per benedicziun e pasch en siu reginavel. Sper siu grond uffeci pren il sogn era temps per urar, meditar e far bunas ovras. Ferton ch’il pievel selegrava dil bien retg, snarrevan la mumma e siu frar dalla gretta e scuidonza. Manegiond che la tatta Ludmilla fussi la caschun da tut quei, engascha la mumma dus scrocs per prender la veta alla sira. Suenter quei enquera ella la mort da Wenceslaus, per saver turnar anavos cun siu fegl vegl per reger la Boemia. Per quella finamira stiga ella si il prenci Radislaus d’attaccar cun sia armada la Boemia. Sogn Wenceslaus roga senza success per la pasch e propona sinquei il duel denter els dus, per buca che tons innocents vegnien per la veta. Cura che Radislaus ha vuiu perforar cun la lontscha, vesa el dus aunghels en gronda splendur sper Wenceslaus che cloman: Bucca fora! Cheu seglia il prenci giud siu cavagl, semetta en schanuglias avon Wenceslaus, roga per perdun e porscha ad el la victoria. Aunc autras ga ha sogn Wenceslaus giu veseivlamein ses aunghels pertgiraders sper el. Boleslaus ha survegniu in fegl ed envida siu frar tier ina fiasta en casa dalla mumma. Ussa anfla la mumma ina buna caschun da dismetter Wenceslaus. Il sogn che ha suspectau pauc bien, ha avon che far la viseta priu penetienzia e sepervergiau. La sera suenter la tscheina va Wenceslaus da notg en baselgia per far las usitadas oraziuns. La mumma ha lu stigau si l’auter fegl da suandar discusamain il sogn. Cun agen maun ha Boleslaus mazzau siu frar leu en baselgia e quei ils 28 da settember digl onn 938. Silsuenter ein biaras miraclas daventadas. La mumma sco era Boleslaus ein cuort suenter morts sin tresta moda.