00:56
Romae Dies Natalis (21 de Apr.) www.zazzle.com/roman_senate_ne… Roma, (-ae, f.) vel simpliciter Urbs, est urbs in Latio, caput Latii atque Italiae. Nomen verbum rumach replicat; hoc verbum est Etruscum …Magis
Romae Dies Natalis (21 de Apr.)

www.zazzle.com/roman_senate_ne…

Roma, (-ae, f.) vel simpliciter Urbs, est urbs in Latio, caput Latii atque Italiae. Nomen verbum rumach replicat; hoc verbum est Etruscum et 'flumen' fere significat, nam non est procul a Roma Tiberis. Sed fieri potest ut 'Roma' replicet verbum Etruscum rhome, quod 'vis' significat.

Roma super septem montes iuxta flumen Tiberim iacet.

A Roma orta est Latina lingua, ex qua multae linguae praesentis temporis Europae nationum genitae sunt. Roma "caput mundi" et "urbs aeterna" appellata est. Dicitur etiam "Omnes viae Romam perducunt" ; una autem via peregrinationis est perantiqua, cui nomen "Via Francigena" datum est.

Litterae S.P.Q.R. significant, "Senatus Populusque Romanus."

Romulus et Remus erant filii Martis, dei belli. Eorum mater erat Rhea Silvia, filia Numitoris, qui rex Albanorum antea fuerat, sed a malo fratre Amulio pulsus erat. Itaque Amulius, qui regnum Albanorum tum obtinebat, pueros magnopere timuit et eos interficere consilium cepit. Rhea vitam filiorum suorum conservare studebat, sed rex iussit servum eos in flumen deicere. Imperio regis autem servus non paruit, sed pueros in arca lignea posuit, quae aqua fluminis sine periculo vehi poterat. Mox pueri ad ripam fluminis vecti sunt. Ibi lupa, quae non longe aberat, pueros audivit atque curavit. Postea pastor benignus eos invenit et in casam parvam portavit.

Post longum tempus Romulus et Remus, qui viri iam erant, et malum regem interfecerunt et regnum Numitori reddiderunt. Tum auxilio sociorum suorum novum oppidum i s ad flumen posuerunt. Eius fluminis nomen est Tiberis. Eius oppidi nomen est Roma. Roma posita est in eo loco ubi Romulus et Remus inventi erant.

"Possis nihil Urbe Roma visere maius."--Horatius, Carmen saeculare, 11-12.

www.twitter.com/ProVaticanus

www.youtube.com/ProVaticanus