Sogn Maurus, avat e confessur. pdf: cheu l’entira historia Ils 15 da schaner: Sogn Maurus, avat e confessur Sogn Maurus, naschius a Ruma, era in fegl d‘in niebel senatur da Ruma. Cura ch’el haveva 12…Daplü
Sogn Maurus, avat e confessur.
pdf: cheu l’entira historia
Ils 15 da schaner: Sogn Maurus, avat e confessur
Sogn Maurus, naschius a Ruma, era in fegl d‘in niebel senatur da Ruma. Cura ch’el haveva 12 onns ha siu bab surdau el en clausta a siu parent sogn Benedetg per trer si el leu en tema da Diu. Beinspert eis el carschius en las vertids ed era daventaus in exempel per biars auters. Ina gaga eis ei schabegiau che pader Plazi leva prender aua ord il lag damaneivel dalla claustra. Enten sesbassar per l’aua ha la scadiala tratg a funs el e las undas tilan el naven dalla riva.
Sogn Benedetg vesa il prighel e tarmetta immediat sogn Maurus per gidar siu cundiscipel Plazi. Aschia cuora el quei ch’el po e passa sur l’aua sco dad ir sin tiara ferma e rabetscha Plazi ventireivlamein a riva. Pér ussa s‘encorscha Maurus ch’el ei ius sin aua, semegliont a sogn Pieder. El obedeva adina, giginava stregn, durmeva pauc e quei mo sin pitgament ni sin peis. Sia mudestadad, tgeuadad, castiadad, diligenza e quitau per survir a Diu, fagevan sesmarvigliar scadin.
Cuort avon la mort da sogn Benedetg ei sogn Maurus cun aunc 4 auters religius da sogn Benedetg, vegnius tarmess en Frontscha per era leu derasar igl uorden da quei sogn patriarc. La notg sisu ha sogn Benedetg tarmess tier ad el ina scatla cun ina particla dalla sontga crusch, ina reliquia da sogn Stiafen e sogn Martin cun ina brev leutier. En quella profetisescha sogn Benedetg che Maurus hagi da viver aunc 40 onns, mo buca senza pitir biars cuntrasts enten derasar il sogn uorden. Sin quei viadi ha sogn Maurus fatg bia miraclas ch’ins sa buca descriver. Vegnius en Frontscha ha in niebel e reh signur cul num Florus, surdau a sogn Maurus siu sulet fegl Bertulfus cun rauba e tut. Cun lubientscha dil retg Teodobertus ha el lu baghegiau ina claustra sper il flum Loire.
Il demuni denton durmeva buc. Pleins da ravgia e scuidonza endridava el treis dils luvrers encunter sogn Maurus. Mo Diu ha prest defendiu la honur da siu survient.
Suenter che la claustra cun quater baselgias ei stada baghegiada, ha il cavalier Florus sez cun siu fegl Bertulfus vuliu entrar en claustra. Els han retschiert il habit da sogn Benedetg en preschientscha dil retg Teodobertus che ha era regalau a quella claustra gronds possess. En cuort temps veva gl‘avat sogn Maurus 140 religius sut sia disciplina. Quei sogn uorden ei vegnius derasaus taluisa che sogn Maurus era diltuttafatg consolaus da haver baghegiau si en Frontscha avon sia mort 120 claustras. Tuttas vegnevan menadas tenor la regla da sogn Benedetg.
Sogn Maurus saveva che la fin da sia veta fussi - suenter la profezia da sogn Benedetg - arrivada. Suenter ina visiun d‘in aunghel ha sogn Maurus clamau ensemen tut il capetel e schau saver tgei novas ch’el hagi survegniu tras igl aunghel. Els dueien pia sepreparar per ina buna mort, sco sch’els vessan da murir gl’auter di. Quei avis han els acceptau cun legherment ed enteifer tschun meins ein 116 religius morts da differentas malsognas.
Pauc suenter ei sogn Maurus vegnius …
pdf: cheu l’entira historia
Ils 15 da schaner: Sogn Maurus, avat e confessur
Sogn Maurus, naschius a Ruma, era in fegl d‘in niebel senatur da Ruma. Cura ch’el haveva 12 onns ha siu bab surdau el en clausta a siu parent sogn Benedetg per trer si el leu en tema da Diu. Beinspert eis el carschius en las vertids ed era daventaus in exempel per biars auters. Ina gaga eis ei schabegiau che pader Plazi leva prender aua ord il lag damaneivel dalla claustra. Enten sesbassar per l’aua ha la scadiala tratg a funs el e las undas tilan el naven dalla riva.
Sogn Benedetg vesa il prighel e tarmetta immediat sogn Maurus per gidar siu cundiscipel Plazi. Aschia cuora el quei ch’el po e passa sur l’aua sco dad ir sin tiara ferma e rabetscha Plazi ventireivlamein a riva. Pér ussa s‘encorscha Maurus ch’el ei ius sin aua, semegliont a sogn Pieder. El obedeva adina, giginava stregn, durmeva pauc e quei mo sin pitgament ni sin peis. Sia mudestadad, tgeuadad, castiadad, diligenza e quitau per survir a Diu, fagevan sesmarvigliar scadin.
Cuort avon la mort da sogn Benedetg ei sogn Maurus cun aunc 4 auters religius da sogn Benedetg, vegnius tarmess en Frontscha per era leu derasar igl uorden da quei sogn patriarc. La notg sisu ha sogn Benedetg tarmess tier ad el ina scatla cun ina particla dalla sontga crusch, ina reliquia da sogn Stiafen e sogn Martin cun ina brev leutier. En quella profetisescha sogn Benedetg che Maurus hagi da viver aunc 40 onns, mo buca senza pitir biars cuntrasts enten derasar il sogn uorden. Sin quei viadi ha sogn Maurus fatg bia miraclas ch’ins sa buca descriver. Vegnius en Frontscha ha in niebel e reh signur cul num Florus, surdau a sogn Maurus siu sulet fegl Bertulfus cun rauba e tut. Cun lubientscha dil retg Teodobertus ha el lu baghegiau ina claustra sper il flum Loire.
Il demuni denton durmeva buc. Pleins da ravgia e scuidonza endridava el treis dils luvrers encunter sogn Maurus. Mo Diu ha prest defendiu la honur da siu survient.
Suenter che la claustra cun quater baselgias ei stada baghegiada, ha il cavalier Florus sez cun siu fegl Bertulfus vuliu entrar en claustra. Els han retschiert il habit da sogn Benedetg en preschientscha dil retg Teodobertus che ha era regalau a quella claustra gronds possess. En cuort temps veva gl‘avat sogn Maurus 140 religius sut sia disciplina. Quei sogn uorden ei vegnius derasaus taluisa che sogn Maurus era diltuttafatg consolaus da haver baghegiau si en Frontscha avon sia mort 120 claustras. Tuttas vegnevan menadas tenor la regla da sogn Benedetg.
Sogn Maurus saveva che la fin da sia veta fussi - suenter la profezia da sogn Benedetg - arrivada. Suenter ina visiun d‘in aunghel ha sogn Maurus clamau ensemen tut il capetel e schau saver tgei novas ch’el hagi survegniu tras igl aunghel. Els dueien pia sepreparar per ina buna mort, sco sch’els vessan da murir gl’auter di. Quei avis han els acceptau cun legherment ed enteifer tschun meins ein 116 religius morts da differentas malsognas.
Pauc suenter ei sogn Maurus vegnius …