Nadal

Honur a Diu en l'altezia,
contan ils aunghels sur cuolms e vals.
Honur e laud en l'altezia,
contan ils pievels che pliran dils mals.
Ed ina steila tarlischa sil mund,
legra ils cors cun si'empermischun:
Honur a Diu en l'altezia!

Pasch,gie pasch sin tiara!
Quei ha il Segner a nus empermess.
Pasch, gie pasch sin tiara!
Mo scavazzau han ils pievels siu mess
e ston plirar d'angoni'e schemer,
tochen ch'els vesan pruir sin lur èr:
Pasch, gie pasch sin tiara!

Beinvulientscha,pertut beinvulientscha!
O sededesta carstgaunadad!
Beinvulientscha,pertut beinvulientscha!
Lura sas ira sur pradas da stad.
Pasch sederasa,giustia e fei,
sche ti disfas gl'egoissem en tei,
e da pertut beinvulientscha.

G.F.