Mumma senza macla

Cara mumma senza macla, eis da Diu ina miracla,
spir sublima sontgadad,gie da tei vegn mo verdad.

Eis dad in carstgaun naschida,mo eis stada elegida
dal scaffider tutpussent,per gidar tiel spindrament.

Avon Diu eis sesbassada,lu dad El vegnid'alzada,
tuttas grazias has retschiert,pil salit e per confiert.

Eis survienta,eis regina,eis sil tron,eis pelegrina,
ti eis mumma e purschala,Nossadunna celestiala.

Cara mumma jeu sesbassel e da cor a ti engraziel
che ti gidas tiel salit,sontga mumma digl agid.

Mira mumma sil puccont,che stat cheu von tei rugond,
meina ti leu mei sut tetg,giu da peis a tiu fegl retg.