ഫ്രാൻസിസ് മാർപാപ്പയെ മറികടക്കാൻ [പുരോഗമനവാദികളുടെ] "ഏക മത്സരാർത്ഥി" കർദ്ദിനാൾ പറോളിനാണ്

വത്തിക്കാന്റെ സംസ്ഥാനസെക്രട്ടറിയായ കർദ്ദിനാൾ പിയെത്രോ പറോളിൻ "മുമ്പത്തേതിനേക്കാളും ശക്തനാണെന്ന്" സാന്ദ്രോ മജിസ്റ്റർ എഴുതുന്നു.

നൈറ്റ്സ് ഓഫ് മാൾട്ടയുടെ ഗ്രാൻഡ് മാസ്റ്റർ പദവിയിൽ നിന്നും മാത്യു ഫെസ്റ്റിങ്ങിനെ മാറ്റുന്ന വിഷയത്തിൽ പറോളിൻ വ്യക്തിഗതമായി ഉൾപ്പെട്ടുവെന്ന് മജിസ്റ്റർ തന്റെ ബ്ലോഗിൽ കുറിക്കുന്നു (ജനുവരി 14). പക്ഷെ പറോളിൻ വെളിച്ചത്ത് വരാതിരിക്കാൻ ശ്രദ്ധിക്കുന്നു. പകരം ഈ "നികൃഷ്ടമായ ജോലി" തന്റെ പ്രതിനിധികൾക്ക്, ആർച്ചുബിഷപ്പ് ആഞ്ചലോ ജോവാന്നി ബെച്ചുവിനെപ്പോലെയുള്ളവർക്ക്, വിട്ടുനൽകിയിരിക്കുകയാണ്. "ഫ്രാൻസിസ് മാർപാപ്പയ്ക്ക് ശേഷം മാർപാപ്പയായി തിരഞ്ഞെടുക്കപ്പെടുന്നതിനുള്ള മത്സരാർത്ഥികളിൽ കാര്യമായ സാധ്യതയുള്ളതെന്ന വിധത്തിൽ" പരോളിൻ അത്യന്തം ഉയരത്തിൽ പറക്കുകയാണെന്ന് മജിസ്റ്റർ എഴുതുന്നു.

ഇതേ അധികാരപരിധിയിലുള്ള മറ്റ് രണ്ട്‌ പ്രധാന കർദ്ദിനാൾമാരായ, സിനഡ് ഓഫ് ബിഷപ്സിന്റെ സെക്രട്ടറി ജനറൽ ലോറെൻസോ ബൾദിസേരി, പുരോഹിതതിരുസംഘത്തിന്റെ അദ്ധ്യക്ഷനായ ബെന്യാമീനോ സ്റ്റെല്ല എന്നിവരെ അദ്ദേഹം പരാമർശിക്കുന്നു. രണ്ട് പേരും മുൻ നയതന്ത്രപ്രതിനിധികളാണ്.

"പ്രത്യേകമായ പരിചയസമ്പത്തൊന്നും" കൂടാതെ തന്നെ ഫ്രാൻസിസ് മാർപാപ്പയുടെ താത്പര്യങ്ങളുടെ മികച്ച നിർവ്വാഹകരാണ് അവരെന്ന് മജിസ്റ്റർ കണക്കാക്കുന്നു. "പുനഃവിവാഹം ചെയ്തവർക്കും വ്യഭിചാരികൾക്കുള്ള ദിവ്യകാരുണ്യം മുതൽ വിവാഹിതരായ വൈദികരുടെ തിരുപ്പട്ടം വരെയുള്ള" ഫ്രാൻസിസ് മാർപാപ്പയുടെ മുൻകൂർ തീരുമാനങ്ങളെ അവർ വേഗത്തിലാക്കുമെന്നും അദ്ദേഹം അഭിപ്രായപ്പെടുന്നു.

ചിത്രം: Pietro Parolin, © Osservatore, CC BY-SA, #newsDhxdeppxbp