Convivenza
Memorandum
El decuors dalla primavera 2012 ha la Ligia Romontscha, adherents dil rumantsch grischun e la Pro Idioms realisau suenter liungs discuors igl aschinumnau „Memorandum; rumantsch grischun ed idioms en scola“ (era numnaus „cumpromiss“).
Las finamiras dil „Memorandum“ ein:
1. garantir la pasch linguistica,
2. anflar ina soluziun per il lungatg da scola ellas scolas romontschas che vegn respectada da tuts.
La soluziun secloma:
- La scola populara ch’alfabetisescha en rg fa gl’agen idiom passiv ed integrescha era ils auters idioms ell’instrucziun romontscha.
- La scola populara ch’alfabetisescha egl idiom fa rg passiv ed integrescha era ils auters idioms ell’instrucziun romontscha.
La soluziun…
- … contribuescha decisivamein alla pasch linguistica.
- … respecta il dretg dallas vischnauncas d’eleger il lungatg da scola e risguarda cun quei il principi d’elecziun e da voluntariadad denter idiom e rg.
- … ei cumpatibla cun il concept „rg en scola“ dalla Regenza grischuna che preveda da promover il rg ed ils idoms e contribuescha cun quei all’identitad romontscha.
L’iniziativa
Las davosas jamnas ha Bernard Cathomas sviluppau l’idea da realisar ina iniziativa cantunala. In emprem text da quella iniziativa ei ussa avonmaun e cuntegn en sia essenza il suandont:
- tuts scolars romontschs dueigien vegnir alfabetisai en rg
- ils mieds d’instrucziun per las scolas romontschas dueigien esser mo pli en rg
La finamira dall’iniziativa ei pia clara: La maioritad tudestga e taliana dil Cantun grischun dueigi decider sur dils Romontschs, il rg sfurzaus si als Romontschs encunter lur veglia.
La Pro Idioms ha per finamira da realisar ussa ina gliesta da persunalitads dalla scola, politica, cultura ed economia che sustegnan il „Memorandum“ e che sedistanzieschan d‘ina iniziativa che vegness ad haver per consequenza in fiasco sociopolitic el Cantun grischun.
PRO IDIOMS, ils 15 da zercladur 2012
El decuors dalla primavera 2012 ha la Ligia Romontscha, adherents dil rumantsch grischun e la Pro Idioms realisau suenter liungs discuors igl aschinumnau „Memorandum; rumantsch grischun ed idioms en scola“ (era numnaus „cumpromiss“).
Las finamiras dil „Memorandum“ ein:
1. garantir la pasch linguistica,
2. anflar ina soluziun per il lungatg da scola ellas scolas romontschas che vegn respectada da tuts.
La soluziun secloma:
- La scola populara ch’alfabetisescha en rg fa gl’agen idiom passiv ed integrescha era ils auters idioms ell’instrucziun romontscha.
- La scola populara ch’alfabetisescha egl idiom fa rg passiv ed integrescha era ils auters idioms ell’instrucziun romontscha.
La soluziun…
- … contribuescha decisivamein alla pasch linguistica.
- … respecta il dretg dallas vischnauncas d’eleger il lungatg da scola e risguarda cun quei il principi d’elecziun e da voluntariadad denter idiom e rg.
- … ei cumpatibla cun il concept „rg en scola“ dalla Regenza grischuna che preveda da promover il rg ed ils idoms e contribuescha cun quei all’identitad romontscha.
L’iniziativa
Las davosas jamnas ha Bernard Cathomas sviluppau l’idea da realisar ina iniziativa cantunala. In emprem text da quella iniziativa ei ussa avonmaun e cuntegn en sia essenza il suandont:
- tuts scolars romontschs dueigien vegnir alfabetisai en rg
- ils mieds d’instrucziun per las scolas romontschas dueigien esser mo pli en rg
La finamira dall’iniziativa ei pia clara: La maioritad tudestga e taliana dil Cantun grischun dueigi decider sur dils Romontschs, il rg sfurzaus si als Romontschs encunter lur veglia.
La Pro Idioms ha per finamira da realisar ussa ina gliesta da persunalitads dalla scola, politica, cultura ed economia che sustegnan il „Memorandum“ e che sedistanzieschan d‘ina iniziativa che vegness ad haver per consequenza in fiasco sociopolitic el Cantun grischun.
PRO IDIOMS, ils 15 da zercladur 2012