Clicks1K
Novitads
3

Geniturs d’affons che ston cuntinuar cun Rumantsch Grischun sedostan

Suenter che la vischnaunca da Laax ha decidiu da returnar al sursilvan en scola vegnan naven digl onn da scola 2013/14 tut ils scolars dalla Surselva puspei alfabetisai en sursilvan deno quels da Trin*.

Quei constat buca dil tut: ils scolars che han entschiet cun rumantsch grischun ston cuntinuar tochen la novavla classa. Quei ei stau ina decisiun dalla regenza e pli tard dil Cussegl grond (sin proposta davart il proceder da deputada Silvia Casutt-Derungs da Falera).

Varga 130 geniturs dalla Surselva e famiglias pertuccadas sedostan encunter quella decisiun da surengiu. En ina brev adressada al cau dil departament d’educaziun, Martin Jäger, pretendan els ch’il project rumantsch grischun vegni interruts per tuts pertuccai.

Els descrivan en quella brev la situaziun nunsupportabla da lur affons e famiglias. Tuts ils responsabels dueien saver quei.

Ina copia dalla brev ei ida perquei al tut ils cussegliers guvernativs, al Cussegl d’Europa, alla Dertgira federala, al president dil Cussegl federal Ueli Maurer, alla cussegliera federala Evelina Widmer-Schlumpf, alla Ligia Romontscha, agl inspectorat da scola ed era alla Pro Idioms.

* A Trin discuoran mo ca. 10% dils scolars romontsch a casa. Era la vischnaunca da Pitasch veva decidiu da restar tier il rg, mo tarmetta ils affons a Duvin a scola e leu vegnan els instrui en sursilvan.
Abramo
"Rumantsch graschun"
Acedian
Il romontsch ei pia in lungatg, ed il tudestg secapescha era, ed igl engles perfin in lungatg mundial.
Enconuschentamein san tut ils romontschs tudestg - il bia aunc meglier che romontsch - ed ina gronda part aunc engles, talian, franzos etc.
Per tgei intent duvrass ei uss pomai aunc in "rumatsch graschun", ni sco quel ha num?
Il "lungatg da scartira" dils romontschs ei stau, ei, e resta il …More
Il romontsch ei pia in lungatg, ed il tudestg secapescha era, ed igl engles perfin in lungatg mundial.
Enconuschentamein san tut ils romontschs tudestg - il bia aunc meglier che romontsch - ed ina gronda part aunc engles, talian, franzos etc.
Per tgei intent duvrass ei uss pomai aunc in "rumatsch graschun", ni sco quel ha num?
Il "lungatg da scartira" dils romontschs ei stau, ei, e resta il tudestg aunc pil mument, ed igl engles el avegnir.
Acedian
En Surselva tschintschein nus romontsch. Quei ei buca in "idiom", mobein in lungatg. Il medem vala per l'Engiadina nua ch'ins tschontscha Rumantsch e per il Surmir che ha era siu agen lungatg.
Vuler far orda quels lungatgs in soli sulet ei absurd. Ussa han nos dictaturs linguistics denton buca mo fatg quei, mobein aunc sfurzau nos paupers affons dad emprender quella buglia.
Per cletg ei il pievel…More
En Surselva tschintschein nus romontsch. Quei ei buca in "idiom", mobein in lungatg. Il medem vala per l'Engiadina nua ch'ins tschontscha Rumantsch e per il Surmir che ha era siu agen lungatg.
Vuler far orda quels lungatgs in soli sulet ei absurd. Ussa han nos dictaturs linguistics denton buca mo fatg quei, mobein aunc sfurzau nos paupers affons dad emprender quella buglia.
Per cletg ei il pievel aunc sereghigliaus ad uras, speronza.