Clicks378
Novitads
4

Protestants sustegnan uestg Vitus Huonder

La conferenza internaziunala dallas cumminonzas dils confessurs protestants sustegn la critica da uestg Huonder encunter il „Genderissem“.

En siu scriver pastoral refusescha igl uestg tala ideologia e taxescha quella per prigulusa e totalitara. Il genderissem ei in moviment che snega igl uorden divin dalla scaffiziun e propaghescha tutta libertad sexuala da viver. Mintga carstgaun duei saver eleger libramein sia indenditad sexuala e decider sez, sch’el vul viver sco um ni dunna. Il partenadi denter um e dunna vala buca pli per model, pertgei tut las fuormas da viver ein equivalentas: hetero-, homo-, bi- ni transsexual.

Tala ideologia dismetta igl uorden da Diu, disfa il saun giudezi, destruescha lètg e famiglia ed ei aschia da donn per bab, mumma ed affon. Scadina orientaziun natirala e maternala vegn prida dalla mumma. Ils donns che quella ideologia caschuna alla societad humana ein buca da surveser, sche affons vegnan tratgs si en partenadis da homos e lesbas. Ins privescha igl affon da tut fundament familiar.

Uestg Vitus fa gronds fastedis cun tgei vehemenza las medias propagheschan e sustegnan ina tala ductrina malsauna. Ed el scriva: “Tgi che patratga auter, vegn sclaus dalla societad e sto quintar cun sancziuns juridicas!“ Quei seigi in „ pass totalitar“ che fetschi sterment, cura ch’ins astgi buca pli palesar publicamein siu meini.

Quei plaid als clericals da siu uestgiu ha uestg Huonder scret sil di dils dretgs humans, ils 10 da december 2013.

„Tgi che snega il carstgaun, quel snega era la scaffiziun divina!“ veva gia papa Benedetg XVI giu detg al collegi dils cardinals ils 21 da december 2012 en connex cul “Genderissem“.
Abramo
Ils uestgs vegnan savens valorisai tenor quei ch'ei dian ni scrivan ed ins emblida memia spért la verdad dils talianers: "Fra dire e fare sta il mare". Tuppamein vulan ils biars uestgs buca far bletsch lur tappun e senudar.
Acedian
@Abramo

"veramein" e "mo sil pupi" ei per uestg Gaglina il medem, sco ei para.
Abramo
Sch'igl uestg Huonder ei veramein, e buca mo sil pupi, encunter il genderissem, fuss ei da proponer ad el da relaschar tut ils professors dils roms principals en siu seminari ch'ein senza excepziun, fauturs stinai da tala ideologia.
Novitads
Cheu la brev pastorala originala per Tudestg

Gender - die tiefe Unwahrheit einer Theorie

Gender - die tiefe Unwahrheit einer Theorie