Clicks491
Acedian
2

Legher giubileum da «sacerdoci» a Rabius

Ils 1 da settember ha sur? Ciril Berther festegiau a Rabius il giubileum da 50 onns da «sacerdozi». Suenter la «eucaristia» dalla fiasta han ins organizau per la celebraziun dil num da Maria l'usitada processiun cun parada, musica e premcommunicants.

Sur? Ciril Berther privatisescha dapi onns a Turitg nua ch'el ha in schinumnau «Lifesense Institut» (sche quei duess esser Engles lu stuess ei esser «Institute»). Sin la pagina electronica da quei Institut(e?) sepresenta sur? Berther sco «augsegner indipendent» che offerescha «rituals», per exempel sin cuolms, ella natira, tier il hortulan, sin in bastiment, en in casti ni en ina caplutta privata, era per sparti, homosexuals e nuncartents. Secapascha fa sur? Berther pagar per tals rituals «tenor la taxa usitada per tals survetschs».

Sur? Berther selamenta e sepresenta ellas medias regularmein sco ex-augsegner el concubinat che vegnin disprezzaus dalla «baselgia». Aschi nausch sa ei denton buca esser, schlioc celebrass quella «baselgia» el buca cun tonta pumpa.
Don Reto Nay
Fetg «modern» ei quei ch'ei fan oz buc. La malprusadad e il puccau ha ei adina dau.
Virgina
Veramei,ina paupra veta spirituala!
Ils aunghels sponden larmas sco garniala.
Els vesan bein co ei va cheu sin tiara.
In temps modern,che fa la baselgia tut empaglia!
O, Diu,tarmetta a nus buns pasturs,
che vivan ils condaments,e carezan Tei Signur!