Clicks447
Plaisch
3

Uestg Haas 40 onns spiritual

Oz 7 d'avrel festivescha igl anteriur uestg da Cuera, Mgr Haas, 40 onns sacerdoci.

El era vegnius ordinaus la dumengia da Palmas 1974 tras siu antecessur Gion Vonderach che ha instradau ch'el vegni suenter uestg, cunquei ch'el veseva buca meglieras pusseivladads per salvar igl uestgiu dalla ruina.

Nus renconuschin cun gronda engrazieivladad ils merets digl uestg che ha ordinau nus spirituals e che ha aviert a biars giuvens la via agl altar che vessen schiglioc giu paucas prospectivas da survir Niessegner silla Crusch.

Uestg Haas metta sco paucs auters igl accent silla grazia divina e se honescha in quex dallas metodas modernas da far spirituals tenor criteris dallas schientschas humanas.

Igl onn 1998, ch'el ei vegnius scatschaus, haveva el 12 spirituals novs, ferton che tuts ils auters uestgius dalla Svizra vevan era gest tons.

Engraziel Monsignur per Vies engaschi e vossas resoluziuns dad ordinar spirituals senza risguardar ils respects terresters.
Acedian
Vess bugen scret in commentari, mo tuppamein ha miu predecessur gia scret igl essenzial.
Abramo
Quei uestg marter mereta nossa engrazieivladad. Dalla baselgia ha el retschiert in pei el tgil. Quei emporta denton buca bia. Il giudezi final ei quei che quenta.
Abramo
Quei ch'ei schabegiau cun uestg Haas tonscha per far capir che Gion Paul II ei buca staus in sogn. In sogn setegn cun la verdad, buca cun la politica.