03:20
"IU TI DICU CA TU SI PETRU" (dal Vangelo di Matteo 16, 13-20) in VERSI SICILIANI con testo a cura di Padre Giuseppe Licciardi. "IU TI DICU CA TU SI PETRU" (dal Vangelo di Matteo 16, 13-20) In versi …Altro
"IU TI DICU CA TU SI PETRU" (dal Vangelo di Matteo 16, 13-20) in VERSI SICILIANI con testo a cura di Padre Giuseppe Licciardi.
"IU TI DICU CA TU SI PETRU"
(dal Vangelo di Matteo 16, 13-20)
In versi siciliani con testo allegato
a cura di Padre Giuseppe Licciardi.
"IU TI DICU CA TU SI PETRU"
(dal Vangelo di Matteo 16, 13-20)
Cu i discipuli sò vulennu stari,
all'autru latu li purtò du mari,
e sinni jeru nto postu chiù isolatu,
ca era da genti pocu traficatu.
E quannu iddi arrivaru nta ddu locu
s'assittaru tranquilli, e propriu ddocu
Gesù un discursu vosi cuminciari
e na pocu i dumanni misi a fari.
"Vuatri, ca stati nmenzu all'autra genti
e sintiti i discursi chiaramenti,
mi diciti chi pensa veramenti
di lu Fiugghiu di l'Omu? Onestamenti."
"Qualcunu pensa ch'è GiuvanBattista,
n'autru dici ca è Elia, a prima vista;
oppuru ca assumigghia a Geremia
ca dici nfaccia i cosi, e cu sia sia.
C'è cu ammintùa qualchi avutru profeta,
picchì a vuci di Diu si senti cuèta
quann'iddu parra e paci dintra l'arma
senti la genti, e di fiducia s'arma."
Doppu ca ognunu dissi u so pinseru,
Gesù dumanna: "Dítimi pi veru:
cu pinsati ca Iu sugnu veramenti?"
"Tu sî u Messia, Figghiu di Diu viventi!".
L'apostuli si ntìsiru straniti,
taliannusi cu l'occhi ncuriusiti.
Ma poi Gesù, nno cori so cuntenti:
"Bravu, Petru! -ci dici- Cumplimenti!
Tu sî Simuni, figghiu di Giuvanni,
chiddu chi tu dicisti è cosa granni,
ma veni di me Patri, un veni i tia,
e u so Spiritu 'i dintra tu dicìa.
Ed ora iu ti dicu propriamenti
ca tu si Petru, e ch'iu l'appiramenti
di la me Chiesa staju pi jittari
supra a sta petra, e ferma avi a ristari,
e i putenzi du mali e di lu nfernu
nenti ci ponnu fari, picchì eternu
eni u so funnamentu e di me manu
mai po scappari. Iu nun parru nvanu!
E ancora iu ti dicu, senza veli,
ca li chiavi du Regnu di li Celi
nne to manu cunsignu, cu stu pattu:
chiddu ca nterra, puru ncelu è fattu.
Si attacchi cosa nterra, ncelu puru
s'attacca, e si la strogghi nterra, puru
ncelu si strogghi, picchì una è la manu
chi teni i chiavi, e a tua è nna Me Manu".
Quannu Gesù finìu stu nsignamentu,
tutti muti si stettiru, ca a stentu
ddi paroli putìanu affirrari,
tantu sunava stranu u so parrari.
"Tu sî u Messia!" - Petru ci avia rittu;
ora Gesù ci dici 'i stari zittu,
ca sulu nni putìanu parrari
quannu di morti avia a risuscitari.
Padre Pino (Giuseppe Licciardi)
"IU TI DICU CA TU SI PETRU"
(dal Vangelo di Matteo 16, 13-20)
In versi siciliani con testo allegato
a cura di Padre Giuseppe Licciardi.
"IU TI DICU CA TU SI PETRU"
(dal Vangelo di Matteo 16, 13-20)
Cu i discipuli sò vulennu stari,
all'autru latu li purtò du mari,
e sinni jeru nto postu chiù isolatu,
ca era da genti pocu traficatu.
E quannu iddi arrivaru nta ddu locu
s'assittaru tranquilli, e propriu ddocu
Gesù un discursu vosi cuminciari
e na pocu i dumanni misi a fari.
"Vuatri, ca stati nmenzu all'autra genti
e sintiti i discursi chiaramenti,
mi diciti chi pensa veramenti
di lu Fiugghiu di l'Omu? Onestamenti."
"Qualcunu pensa ch'è GiuvanBattista,
n'autru dici ca è Elia, a prima vista;
oppuru ca assumigghia a Geremia
ca dici nfaccia i cosi, e cu sia sia.
C'è cu ammintùa qualchi avutru profeta,
picchì a vuci di Diu si senti cuèta
quann'iddu parra e paci dintra l'arma
senti la genti, e di fiducia s'arma."
Doppu ca ognunu dissi u so pinseru,
Gesù dumanna: "Dítimi pi veru:
cu pinsati ca Iu sugnu veramenti?"
"Tu sî u Messia, Figghiu di Diu viventi!".
L'apostuli si ntìsiru straniti,
taliannusi cu l'occhi ncuriusiti.
Ma poi Gesù, nno cori so cuntenti:
"Bravu, Petru! -ci dici- Cumplimenti!
Tu sî Simuni, figghiu di Giuvanni,
chiddu chi tu dicisti è cosa granni,
ma veni di me Patri, un veni i tia,
e u so Spiritu 'i dintra tu dicìa.
Ed ora iu ti dicu propriamenti
ca tu si Petru, e ch'iu l'appiramenti
di la me Chiesa staju pi jittari
supra a sta petra, e ferma avi a ristari,
e i putenzi du mali e di lu nfernu
nenti ci ponnu fari, picchì eternu
eni u so funnamentu e di me manu
mai po scappari. Iu nun parru nvanu!
E ancora iu ti dicu, senza veli,
ca li chiavi du Regnu di li Celi
nne to manu cunsignu, cu stu pattu:
chiddu ca nterra, puru ncelu è fattu.
Si attacchi cosa nterra, ncelu puru
s'attacca, e si la strogghi nterra, puru
ncelu si strogghi, picchì una è la manu
chi teni i chiavi, e a tua è nna Me Manu".
Quannu Gesù finìu stu nsignamentu,
tutti muti si stettiru, ca a stentu
ddi paroli putìanu affirrari,
tantu sunava stranu u so parrari.
"Tu sî u Messia!" - Petru ci avia rittu;
ora Gesù ci dici 'i stari zittu,
ca sulu nni putìanu parrari
quannu di morti avia a risuscitari.
Padre Pino (Giuseppe Licciardi)