03:35
VIRI CA È U SIGNURI! (Giovanni 21,1-14) IN VERSI SICILIANI A CURA DI DON PINO LICCIARDI. VIRI CA È U SIGNURI! (Giovanni 21,1-14) IN VERSI SICILIANI A CURA DI DON PINO LICCIARDI VIRI CA È U SIGNURI! (…Altro
VIRI CA È U SIGNURI! (Giovanni 21,1-14) IN VERSI SICILIANI A CURA DI DON PINO LICCIARDI.
VIRI CA È U SIGNURI! (Giovanni 21,1-14) IN VERSI SICILIANI A CURA DI DON PINO LICCIARDI
VIRI CA È U SIGNURI!
(Giovanni 21,1-14)
"Curri nne me discipuli, Maria,
e dicci ca l'aspettu in Galilìa.
Ddà li vogghiu ncuntrari". Petru, allura,
cu l'autri amici, quannu veni l'ura,
torna a lu so paisi, a lu so mari,
ca tanti cosi ci fa ricurdari.
E na sira all'amici: "Vaiu a piscari
-dici- e accussì si nni scinneru a mari.
Quanti ricordi passanu p'a menti
mentri ca ô largu vannu lentamenti:
la prima vota c' a Gesù ncuntraru,
e comu ca so amici addivintaru,
tantu ca di dda vota accuminciaru
a jirici d'appressu, ca lassaru
la casa, la famigghia ed ogni cosa,
e appressu ad iddu jianu senza posa.
Mentri ca u celu già jia scurannu,
li riti ammoddu jianu calannu.
Fermu è lu mari e un tira anticchia 'i ventu,
a notti passa e nuddu muvimentu
fannu li riti, comu si dda notti
li pisci avianu canciatu li so rotti.
Prima ch'è ghiornu vidinu addumari
un focu supra a spiaggia di lu mari.
Ddà vídinu qualcunu arriminari,
ca a un certu puntu cumincia a gridari:
"Picciò, nn'aviti pisci?" iddu ci grida.
"No!" è la risposta. E chiddu arreri grida:
"Allura ittati i riti a manu ritta
d'a varca, ca di pisci è fitta fitta".
Iddi li riti all'autru latu jittaru
ed un munzeddu 'i pisci ci attruvaru.
Virennu nsoccu stava succidennu,
Giuvanni dici a Petru: "Staiu virennu
ca chiddu nta la spiaggia è lu Signuri!".
Appena Petru senti ca è u Signuri,
si strinci a vesta e po' si jietta a mari
e versu a spiaggia si metti a natari,
mentri l'autri discipuli a remari
si mettinu pi a riti trascinari.
Un centinaru i metri era distanti
la varca di la spiaggia. E, si pisanti
li riti si facianu ennu avanzannu,
prestu arrivaru e si jianu ralligrannu.
Vidinu na grarigghia supra ô focu
cu quattru pisci, e c'era puru un pocu
di pani chi si stava ddà a abbruscari,
e Gesù c'era puru ad aspittari.
"Purtatimi na para di sti pisci"
Gesù ci dici, mentri chi finisci
d'arrustiri la prima grarigghiata,
ed ora aspetta chiddi da piscata.
Petru a la varca s'avvicina e afferra
la riti e la trascina finu nterra:
centucinquantatrì nn'avia pigghiatu,
di pisci belli grossi, ed è priatu.
Na para a lu Signuri nni purtaru
e supra ô focu subitu i pusaru.
Doppu anticchia Gesù misi a chiamari:
"Viniti, tuttu è prontu pi manciari!".
e rumpi u pani e lu cumincia a dari
e u stessu fa cu i pisci. Ed a manciari
accuminciaru tutti. E dda matina
pi tutti fu gran festa a la marina.
Giuseppe Licciardi (Padre Pino)
VIRI CA È U SIGNURI! (Giovanni 21,1-14) IN VERSI SICILIANI A CURA DI DON PINO LICCIARDI
VIRI CA È U SIGNURI!
(Giovanni 21,1-14)
"Curri nne me discipuli, Maria,
e dicci ca l'aspettu in Galilìa.
Ddà li vogghiu ncuntrari". Petru, allura,
cu l'autri amici, quannu veni l'ura,
torna a lu so paisi, a lu so mari,
ca tanti cosi ci fa ricurdari.
E na sira all'amici: "Vaiu a piscari
-dici- e accussì si nni scinneru a mari.
Quanti ricordi passanu p'a menti
mentri ca ô largu vannu lentamenti:
la prima vota c' a Gesù ncuntraru,
e comu ca so amici addivintaru,
tantu ca di dda vota accuminciaru
a jirici d'appressu, ca lassaru
la casa, la famigghia ed ogni cosa,
e appressu ad iddu jianu senza posa.
Mentri ca u celu già jia scurannu,
li riti ammoddu jianu calannu.
Fermu è lu mari e un tira anticchia 'i ventu,
a notti passa e nuddu muvimentu
fannu li riti, comu si dda notti
li pisci avianu canciatu li so rotti.
Prima ch'è ghiornu vidinu addumari
un focu supra a spiaggia di lu mari.
Ddà vídinu qualcunu arriminari,
ca a un certu puntu cumincia a gridari:
"Picciò, nn'aviti pisci?" iddu ci grida.
"No!" è la risposta. E chiddu arreri grida:
"Allura ittati i riti a manu ritta
d'a varca, ca di pisci è fitta fitta".
Iddi li riti all'autru latu jittaru
ed un munzeddu 'i pisci ci attruvaru.
Virennu nsoccu stava succidennu,
Giuvanni dici a Petru: "Staiu virennu
ca chiddu nta la spiaggia è lu Signuri!".
Appena Petru senti ca è u Signuri,
si strinci a vesta e po' si jietta a mari
e versu a spiaggia si metti a natari,
mentri l'autri discipuli a remari
si mettinu pi a riti trascinari.
Un centinaru i metri era distanti
la varca di la spiaggia. E, si pisanti
li riti si facianu ennu avanzannu,
prestu arrivaru e si jianu ralligrannu.
Vidinu na grarigghia supra ô focu
cu quattru pisci, e c'era puru un pocu
di pani chi si stava ddà a abbruscari,
e Gesù c'era puru ad aspittari.
"Purtatimi na para di sti pisci"
Gesù ci dici, mentri chi finisci
d'arrustiri la prima grarigghiata,
ed ora aspetta chiddi da piscata.
Petru a la varca s'avvicina e afferra
la riti e la trascina finu nterra:
centucinquantatrì nn'avia pigghiatu,
di pisci belli grossi, ed è priatu.
Na para a lu Signuri nni purtaru
e supra ô focu subitu i pusaru.
Doppu anticchia Gesù misi a chiamari:
"Viniti, tuttu è prontu pi manciari!".
e rumpi u pani e lu cumincia a dari
e u stessu fa cu i pisci. Ed a manciari
accuminciaru tutti. E dda matina
pi tutti fu gran festa a la marina.
Giuseppe Licciardi (Padre Pino)