03:10
U SIGNU DU TEMPIU in versi SICILIANI a cura di Padre Giuseppe Licciardi. U SIGNU DU TEMPIU in versi SICILIANI a cura di Padre Giuseppe Licciardi U SIGNU DU TEMPIU (Giovanni 2, 13-21) S'avvicinava già …Altro
U SIGNU DU TEMPIU in versi SICILIANI a cura di Padre Giuseppe Licciardi.
U SIGNU DU TEMPIU in versi SICILIANI a cura di Padre Giuseppe Licciardi
U SIGNU DU TEMPIU
(Giovanni 2, 13-21)
S'avvicinava già la festa 'ranni,
la Pasqua di Giudei, e di tutti i banni
li divoti vinianu a capitali
p'osservari la festa principali.
Puru Gesù, cu la so cumpagnia,
versu Gerusalemmi pigghia a via,
e lu primu pinseru nta so menti
è chiddu d' iri o tempiu lestamenti.
Ma ddà, davanti o Tempiu un mari i genti
ci trova affacinnata, picchì nenti
ci avìa a mancari a cu è ca di luntanu
vinia, ed accussì, a purtata i manu,
subitu si putianu capitari
l'armali chi s'avianu a sacrificari:
c'è cu vinnia li voi e li viteddi,
e cu vinnia li pecuri e l'agneddi.
E c'era puru cu li palummeddi
vinnia pi li divoti puvireddi.
Po' darreri o bancuni, ad aspittari,
c'era cu li muniti avia a scanciari,
picchì nto Tempiu putia circulari
sulu a munita adatta pi l'altari.
Inveci di truvari genti oranti,
ci attrova na manata i cummircianti.
A sta vista Gesù ntisi avvampari
u so cori di sdegnu, e ju a pigghiari
na para e cordi e na frusta ci fici,
e a corpa i frusta, ntempu c'un si dici,
di dintra o Tempiu scaccia fora a tutti,
nsemmula cu li pecuri e cu tutti
l'avutri armali, e nterra i bancareddi
stramìna cu i muniti e i casciteddi.
Poi grida di palummi ê vinnitura:
"Purtativi sti jaggi, cu primura,
e nun trattati a casa di me Patri
comu un mircatu, unni firrianu i latri".
Sintennulu i discipuli parrari,
li Scritturi ci vinni i ricurdari
unni sta scrittu: "U zelu p'a to casa
m'abbrucia i dintra e fora si travasa".
Li capi di Giudei, junti a stu puntu,
si fannu avanti e vonnu i Gesù cuntu:
"Quali signu nni duni pi spiegari
picchì sti cosi ti permetti i fari?".
Gesù arrispunni, cu so fari rettu,
mittennusi la manu nta lu pettu:
"Nterra stu tempiu putiti jttari,
e nta tri jorna mperi Iu u fazzu stari".
Ci dissiru i Giudei: "Chi vai dicennu?
Pi casu tu di senziu stai niscennu?
Tu, comu a tutti nuatri, sai quant'anni
di travagghiari, quarantasei anni,
ci vosiru p'u tempiu fabbricari!
E tu ntri jorna u fai risuscitari?".
Nuddu sapia ca mentri chi parrava
o tempiu du so corpu Iddu pinsava.
Giuseppe Licciardi (Padre Pino)
U SIGNU DU TEMPIU in versi SICILIANI a cura di Padre Giuseppe Licciardi
U SIGNU DU TEMPIU
(Giovanni 2, 13-21)
S'avvicinava già la festa 'ranni,
la Pasqua di Giudei, e di tutti i banni
li divoti vinianu a capitali
p'osservari la festa principali.
Puru Gesù, cu la so cumpagnia,
versu Gerusalemmi pigghia a via,
e lu primu pinseru nta so menti
è chiddu d' iri o tempiu lestamenti.
Ma ddà, davanti o Tempiu un mari i genti
ci trova affacinnata, picchì nenti
ci avìa a mancari a cu è ca di luntanu
vinia, ed accussì, a purtata i manu,
subitu si putianu capitari
l'armali chi s'avianu a sacrificari:
c'è cu vinnia li voi e li viteddi,
e cu vinnia li pecuri e l'agneddi.
E c'era puru cu li palummeddi
vinnia pi li divoti puvireddi.
Po' darreri o bancuni, ad aspittari,
c'era cu li muniti avia a scanciari,
picchì nto Tempiu putia circulari
sulu a munita adatta pi l'altari.
Inveci di truvari genti oranti,
ci attrova na manata i cummircianti.
A sta vista Gesù ntisi avvampari
u so cori di sdegnu, e ju a pigghiari
na para e cordi e na frusta ci fici,
e a corpa i frusta, ntempu c'un si dici,
di dintra o Tempiu scaccia fora a tutti,
nsemmula cu li pecuri e cu tutti
l'avutri armali, e nterra i bancareddi
stramìna cu i muniti e i casciteddi.
Poi grida di palummi ê vinnitura:
"Purtativi sti jaggi, cu primura,
e nun trattati a casa di me Patri
comu un mircatu, unni firrianu i latri".
Sintennulu i discipuli parrari,
li Scritturi ci vinni i ricurdari
unni sta scrittu: "U zelu p'a to casa
m'abbrucia i dintra e fora si travasa".
Li capi di Giudei, junti a stu puntu,
si fannu avanti e vonnu i Gesù cuntu:
"Quali signu nni duni pi spiegari
picchì sti cosi ti permetti i fari?".
Gesù arrispunni, cu so fari rettu,
mittennusi la manu nta lu pettu:
"Nterra stu tempiu putiti jttari,
e nta tri jorna mperi Iu u fazzu stari".
Ci dissiru i Giudei: "Chi vai dicennu?
Pi casu tu di senziu stai niscennu?
Tu, comu a tutti nuatri, sai quant'anni
di travagghiari, quarantasei anni,
ci vosiru p'u tempiu fabbricari!
E tu ntri jorna u fai risuscitari?".
Nuddu sapia ca mentri chi parrava
o tempiu du so corpu Iddu pinsava.
Giuseppe Licciardi (Padre Pino)