02:43
Versus Ursi perpauli cerebri. Fortasse rogabis, post videntem, quo dictam est canticulam. Non primus es. 'Quomodo incipit?' dixit Lepus... Dies ille, dies Lunae Semper venit opportune Rogo vos et quaero id: …Magis
Versus Ursi perpauli cerebri.

Fortasse rogabis, post videntem, quo dictam est canticulam. Non primus es.
'Quomodo incipit?' dixit Lepus...

Dies ille, dies Lunae
Semper venit opportune
Rogo vos et quaero id:
Quid est quod et quod est quid?

Dies alter, dies Martis
Est laboris et est artis
Age Canga, dic si scis:
Quarum? Quorum? Quid est quis?

Sequitur Mercurii dies
Qualis somnus, qualis quies!
Audi Lepus! Quaeritur:
Quisnam? Unde? Quidni? Cur?

Dies quartus, dies Jovis
Heu, aenigmata dat nobis
Cogitabo forsitan:
Nonne? Necne? Utrum-an?

Diem Veneris dum ago
Et per silvam vacans vago,
Meditor percontor me:
Est-ne? It-ne? Habet-ne?

Sabbato, oh animalia!
(Quibus? Quonam? Quorsum? Qualia?)
Sciscitor ex aliquo:
Quali modo et cum quo?

Die Domini in ludo
Hanc canticulam concludo,
Quod non novi, nescio
Dormo, sterto, somnio.

De "Winnie Ille Pu" a A. A. Milnei; in Latinum conversus a Alexandro Lenardo