Acedian
4655

Sur Bearth e Sur Venzin fan politica

La Gasetta Rontscha dad oz, 21 da settember 2015, l’emprema e davosa pagina relata sur d’in artichel scret da Sur Martin Bearth e Sur Giusep Venzin pertuccond la politica ella val Medel. Quels dus resignats dattan cussegls alla suprastonza sco sedepurtar a risguard dalla casa da vegls “Sontgaclau” ed il project “Parc Adula”.

Ils resuns ella val Medel ein fetg negativs encunter ils dus plevons, surtut encunter Sur Martin Bearth ch’ha catschau naven Sur Jacek Kubica anno 2001 e che ha fatg propaganda per buca acceptar Sur Ignazi Pally sco successur, malgrad che il vicari general Vitus Huonder veva proponiu (denton buca defendiu) el.

In frar da Sur Martin Bearth ha detg ella radunonza dalla pleiv che Medel veva dus plevons pensiunai che vessan substituiu in plevon ella val. In era Sur Paul Giger permiert e l’auter siu frar Sur Martin Bearth.

Enstagl far politica vess Sur Giusep Venzin stuiu scriver il priedi per la Gasetta Rontscha dils 11 da settember vargau, mo ei para ch'el ha buca giu peda e ha perquei scret schuber nuot.

Ils medelins ein ussa unfis e vilai per il priedis politics d'augsegners en pensiun che spidan sentenzias cun in quetun da cavagl.
Plaisch
Quei vegn ad esser ualti grev, da convertir ils unfisai. Jeu enconuschel era ina unfisada. Buca ch'jeu fuss encunter ella, mo ils fatgs ein semplamein memia trests per anflar nova curascha - cunzun en ina liturgia che porscha lidinuot.
Medel ha bellezia baselgias, mo pli bugen schess ins vegnir en diltut mo buca schar celebrar ina Messa, nundir ina veglia. La messa ei malvesida. Lu negin che va …Daplü
Quei vegn ad esser ualti grev, da convertir ils unfisai. Jeu enconuschel era ina unfisada. Buca ch'jeu fuss encunter ella, mo ils fatgs ein semplamein memia trests per anflar nova curascha - cunzun en ina liturgia che porscha lidinuot.

Medel ha bellezia baselgias, mo pli bugen schess ins vegnir en diltut mo buca schar celebrar ina Messa, nundir ina veglia. La messa ei malvesida. Lu negin che va ella baselgia, per tgei era? Ils unfisai san gest aschi bein star a casa, ei vegn ora sil medem.
Harmonia celestiala
Lein sperar ch'il Sogn Spert detti a tuts ina buna motivaziun per s'engaschar per la religiun sco era per la politica e converter quels che ein daventai unfis.
Abramo
Far politica ei bien ed endretg, denton ils augsegners havessan auter da far. Ei para denton che buca mo lur cartents mobeina era els sez ein unfis dalla religiun.
Harmonia celestiala
Igl ei bien ed endretg ch'enzatgi da Medel fa politica medelina. Biars medelins giavischassen la casa *Sontgaclau* anavos sco casa da vegls, silmeins per glieud veglia che drova buc ina tgira speciala e va bugen en sia biala gronda caplutta (quei ei enzatgei che maunca el *Center da Sanadad*, leu ei insumma gia ussa negin plaz ni per ina dretga caplutta sco s'auda, ni per novs cussadents).