Sogn Soter e sogn Caius, papas e marters. pdf: cheu l'entira historia Sogn Soter e sogn Caius, papas e marters Ils 22 d’avrel: Sogn Soter e sogn Caius, papas e marters Sogn Soter ei staus in Napolitan …Daplü
Sogn Soter e sogn Caius, papas e marters.
pdf: cheu l'entira historia
Sogn Soter e sogn Caius, papas e marters
Ils 22 d’avrel: Sogn Soter e sogn Caius, papas e marters
Sogn Soter ei staus in Napolitan plein pietad e tema da Diu. Ses studis ha el giu fatg a Ruma. Muort sias vertids e sia sabientscha eis el igl onn 175 vegnius tschernius ora per papa. Cun gronda tafradad e buontad consolava quei curaschus papa ses fideivels che stuevan da gliez temps sezuppar digl imperatur Marcus Aurelius en tschalers e taunas per tener ils survetschs divins. Sia buontad e misericordia contonscheva era ils perschuniers. Sut il guvern da papa Soter ha Diu schau a moda miraculusa frenar la tirania encunter ils cristians. Igl imperatur fuva cun sia armada dapi 5 dis tschinclaus en digl inimitg. La schuldada piteva e biars murevan dalla seit. En quellas anguoschas cloma igl imperatur ses dieus en agid, mo senza negin effect. Ussa sevolva el tier sia cumpignia da schuldaus catolics ch’el veva en sia armada e camonda da rugar tier lur Diu. Il tschiel sestgirenta cun grevs nibels e tarmetta sur da lur camp plievgia en abundonza. Igl inimitg denton vegn tuccaus da tun e cametg e sto prender la fuigia. Per engraziament ha Aurelius dau il camond che negin dueigi far dil mal als cristians. En quei cuort temps che la persecuziun ei stada sequietada ha il sogn papa saviu dar admoniziuns als cartents, sco per exempel da buca tuccar en vischala benedida, corporals e pallas sigl altar. Plinavon dueien tuts cristians sepervergiar vengonzamein da Gievgia sontga. Denton ei igl imperatur suenter haver giu finiu l’uiara encunter ils Marcomans, turnaus triumfond a Ruma. Danovamein han ils nuncartents leventau cun manzegnas e faulsas tgisas ina nova persecuziun encunter ils catolics. Ils 22 d’avrel digl onn 179 vegn papa Soter pigliaus e marterisaus. Sil di dad oz vegn era fatg memoria da sogn papa Caius dalla Dalmazia, in dretg nevs digl Imperatur Dioclezian. Pia duas tuttavia differentas persunas: Caius adurava il ver Diu - Dioclezian ils fauls dieus; Caius fuva cau dils fideivels cristians che menava quels enta parvis - Dioclezian era emprem sclav dil demuni che fereva sesez e ses suandonters egl uffiern. Cajus ei daventaus papa igl onn 283, dil temps da sgarscheivlas persecuziuns da quei barbar Dioclezian. Quei imperatur veva tschentau sin mintga plazza ed en mintga cantun da siu imperi fauls dieus. Tut tgi che leva vender u cumprar enzatgei ni prender aua dallas fontaunas, stueva sco emprem adurar quels vuts ni vegnir marterisaus. Cun quei quintava Dioclezian da puder ragischar ora il cristianissem. Sin cussegl da sogn Cajus han ils cristians bandunau Ruma ed i en in hof da Cromazi. Il papa denton ei restaus a Ruma per saver instruir e battegiar quels che vulevan daventar cristians. In temps pli tard ha Maximian, fegl adoptiv digl imperatur Dioclezian, vuliu prender per spusa ina niazza da papa Caius. Quella dunschala veva fatg il vut da salvar il perpeten purschaladi ed ha buca dau suatientscha da rumper quella empermischun. Muort la displascheivla risposta ei l’entira parentella da sogn Cajus vegnida marterisada ed era el sez. Quella malgesta mazzacrada ei stada ils 22 d’avrel digl onn 296 suenter che sogn Caius veva giu regiu la sontga Baselgia varga 12 onns cun gronda carezia e cun bien quitau. Sogn papa Caius ha sco perdetga dils apostels era giu decretau che negin sappi daventar uestg u augsegner senza haver giu retschiert ordavon las autras sontgas ordinaziuns che protegian il sogn Sacrament digl Uorden.
pdf: cheu l'entira historia
Sogn Soter e sogn Caius, papas e marters
Ils 22 d’avrel: Sogn Soter e sogn Caius, papas e marters
Sogn Soter ei staus in Napolitan plein pietad e tema da Diu. Ses studis ha el giu fatg a Ruma. Muort sias vertids e sia sabientscha eis el igl onn 175 vegnius tschernius ora per papa. Cun gronda tafradad e buontad consolava quei curaschus papa ses fideivels che stuevan da gliez temps sezuppar digl imperatur Marcus Aurelius en tschalers e taunas per tener ils survetschs divins. Sia buontad e misericordia contonscheva era ils perschuniers. Sut il guvern da papa Soter ha Diu schau a moda miraculusa frenar la tirania encunter ils cristians. Igl imperatur fuva cun sia armada dapi 5 dis tschinclaus en digl inimitg. La schuldada piteva e biars murevan dalla seit. En quellas anguoschas cloma igl imperatur ses dieus en agid, mo senza negin effect. Ussa sevolva el tier sia cumpignia da schuldaus catolics ch’el veva en sia armada e camonda da rugar tier lur Diu. Il tschiel sestgirenta cun grevs nibels e tarmetta sur da lur camp plievgia en abundonza. Igl inimitg denton vegn tuccaus da tun e cametg e sto prender la fuigia. Per engraziament ha Aurelius dau il camond che negin dueigi far dil mal als cristians. En quei cuort temps che la persecuziun ei stada sequietada ha il sogn papa saviu dar admoniziuns als cartents, sco per exempel da buca tuccar en vischala benedida, corporals e pallas sigl altar. Plinavon dueien tuts cristians sepervergiar vengonzamein da Gievgia sontga. Denton ei igl imperatur suenter haver giu finiu l’uiara encunter ils Marcomans, turnaus triumfond a Ruma. Danovamein han ils nuncartents leventau cun manzegnas e faulsas tgisas ina nova persecuziun encunter ils catolics. Ils 22 d’avrel digl onn 179 vegn papa Soter pigliaus e marterisaus. Sil di dad oz vegn era fatg memoria da sogn papa Caius dalla Dalmazia, in dretg nevs digl Imperatur Dioclezian. Pia duas tuttavia differentas persunas: Caius adurava il ver Diu - Dioclezian ils fauls dieus; Caius fuva cau dils fideivels cristians che menava quels enta parvis - Dioclezian era emprem sclav dil demuni che fereva sesez e ses suandonters egl uffiern. Cajus ei daventaus papa igl onn 283, dil temps da sgarscheivlas persecuziuns da quei barbar Dioclezian. Quei imperatur veva tschentau sin mintga plazza ed en mintga cantun da siu imperi fauls dieus. Tut tgi che leva vender u cumprar enzatgei ni prender aua dallas fontaunas, stueva sco emprem adurar quels vuts ni vegnir marterisaus. Cun quei quintava Dioclezian da puder ragischar ora il cristianissem. Sin cussegl da sogn Cajus han ils cristians bandunau Ruma ed i en in hof da Cromazi. Il papa denton ei restaus a Ruma per saver instruir e battegiar quels che vulevan daventar cristians. In temps pli tard ha Maximian, fegl adoptiv digl imperatur Dioclezian, vuliu prender per spusa ina niazza da papa Caius. Quella dunschala veva fatg il vut da salvar il perpeten purschaladi ed ha buca dau suatientscha da rumper quella empermischun. Muort la displascheivla risposta ei l’entira parentella da sogn Cajus vegnida marterisada ed era el sez. Quella malgesta mazzacrada ei stada ils 22 d’avrel digl onn 296 suenter che sogn Caius veva giu regiu la sontga Baselgia varga 12 onns cun gronda carezia e cun bien quitau. Sogn papa Caius ha sco perdetga dils apostels era giu decretau che negin sappi daventar uestg u augsegner senza haver giu retschiert ordavon las autras sontgas ordinaziuns che protegian il sogn Sacrament digl Uorden.