Il salvanori dil vitg rispunda. Da sur Reto Nay
Resun a Claudi Monn, responsabel per la “Tuatschina” (Currier ufficial dalla vischnaunca da Tujetsch).
Preziau signur Monn
Engraziel per la contribuziun da signur Ciril Hendry ella davos “Tuatschina” pertuccont mia persuna. Quei artechel ei per mei in’ulteriura confermaziun che augsegners catolics ein ella vischnaunca da Tujetsch (e buca mo leu) burgheis da secunda classa che mintgin astga catschar sco in salvanori atras il vitg.
Signur Hendry scriva per exempel la suandonta manzegna: “In fatg ha trumpau mei oravontut. Sur Nay era envidaus ad in past ensemen cun la suprastonza dalla pleiv. En discours cun l’ustiera, ha el constatau da mai haver viu ella en baselgia. La dunna ha rispundiu ch’ella seigi reformada e mondi buca cheu en baselgia. Da quei mument seigi sur Nay levaus si ed ius giu dad esch ora.”
Quella historia ei ina diffamaziun dil tuttafatg inventada. Jeu sai buca, tgei ustria e tgei ustiera che signur Hendry ha el tgau. Jeu havess mai fatg l'ortgadad da metter zatgi en in cantun e da dir ad el che jeu hagi “mai viu el/ella en baselgia”. Dil reminent: Entras ina fleivlezia dalla vesida enconuschel buca bein la glieut en baselgia e duront parter ora la communion vezzel mo ina part dils presents.
Jeu sundel leds che signur Hendry scriva che la suprastonza dalla pleiv seigi stada presenta. Tgi che crei buca a mi duei pia dumandar ils commembers dalla suprastonza sch'els sappien novas. Jeu pretendel en tutta hofliadad da signur Hendry ch’el seperstgisi tier mei.
En quei connex lessel menziunar in’autra manzegna d’ustria. Avon circa in onn ni dus sundel vegnius confrontaus dalla suprastonza dalla pleiv cun la renfatscha che jeu hagi refusau il batten ad in affon perquei che la mumma dil pign eri reformada.
Jeu sundel curdaus ord tuts tapets. Ella veta reala haiel mai giu contact, direct ni indirect, cun ina tala famiglia. Jeu capeschel era buca daco che jeu duess refusar il batten ad in affon. Sco augsegner haiel negin desideri e negin dretg da far quei.
Era en quei cass ston ins probablamein consultar las meisas radundas dalla val Tujetsch per haver ulteriur sclariment.
Preziau signur Monn
Engraziel per la contribuziun da signur Ciril Hendry ella davos “Tuatschina” pertuccont mia persuna. Quei artechel ei per mei in’ulteriura confermaziun che augsegners catolics ein ella vischnaunca da Tujetsch (e buca mo leu) burgheis da secunda classa che mintgin astga catschar sco in salvanori atras il vitg.
Signur Hendry scriva per exempel la suandonta manzegna: “In fatg ha trumpau mei oravontut. Sur Nay era envidaus ad in past ensemen cun la suprastonza dalla pleiv. En discours cun l’ustiera, ha el constatau da mai haver viu ella en baselgia. La dunna ha rispundiu ch’ella seigi reformada e mondi buca cheu en baselgia. Da quei mument seigi sur Nay levaus si ed ius giu dad esch ora.”
Quella historia ei ina diffamaziun dil tuttafatg inventada. Jeu sai buca, tgei ustria e tgei ustiera che signur Hendry ha el tgau. Jeu havess mai fatg l'ortgadad da metter zatgi en in cantun e da dir ad el che jeu hagi “mai viu el/ella en baselgia”. Dil reminent: Entras ina fleivlezia dalla vesida enconuschel buca bein la glieut en baselgia e duront parter ora la communion vezzel mo ina part dils presents.
Jeu sundel leds che signur Hendry scriva che la suprastonza dalla pleiv seigi stada presenta. Tgi che crei buca a mi duei pia dumandar ils commembers dalla suprastonza sch'els sappien novas. Jeu pretendel en tutta hofliadad da signur Hendry ch’el seperstgisi tier mei.
En quei connex lessel menziunar in’autra manzegna d’ustria. Avon circa in onn ni dus sundel vegnius confrontaus dalla suprastonza dalla pleiv cun la renfatscha che jeu hagi refusau il batten ad in affon perquei che la mumma dil pign eri reformada.
Jeu sundel curdaus ord tuts tapets. Ella veta reala haiel mai giu contact, direct ni indirect, cun ina tala famiglia. Jeu capeschel era buca daco che jeu duess refusar il batten ad in affon. Sco augsegner haiel negin desideri e negin dretg da far quei.
Era en quei cass ston ins probablamein consultar las meisas radundas dalla val Tujetsch per haver ulteriur sclariment.