Plaisch
301.1K

Uestg Huonder visitator tiels parasits

Jeu spetgel mo dil mender da quella nominaziun. Auter ei buca da dir ord hofliadad e respect.
Don Reto Nay
@Acedian: D'accord. Parasitism ei tenor definiziun una relaziun non-vicendeivla e simbiotica denter duas specias. Il parasit (specia I) ha avantags sin donn e cuost d'in auter (specia II) che dat ad ella casa ed albiert. Aschia schabegia ei oz veritablamein ella baselgia catolica. Fetg biars (cunzun uestgs ed augsegners) vivan sin donn e cuost dalla baselgia senza esser part dad ella.
@Harmonia …More
@Acedian: D'accord. Parasitism ei tenor definiziun una relaziun non-vicendeivla e simbiotica denter duas specias. Il parasit (specia I) ha avantags sin donn e cuost d'in auter (specia II) che dat ad ella casa ed albiert. Aschia schabegia ei oz veritablamein ella baselgia catolica. Fetg biars (cunzun uestgs ed augsegners) vivan sin donn e cuost dalla baselgia senza esser part dad ella.

@Harmonia celestiala: Vus haveis fatg attents sin in impurtont punct, il humor, cunzun en in di sco igl emprem d'avrel! Pli baul existeva la sgnocca clericala. Cun la baselgia nova eis ella morta. Ei para che quella baselgia ha piars la capazitad da rir. Ier ha Gloria.tv englesa publicau ina pulacca: Gloria.TV News on the 1st of April 2014
Harmonia celestiala
Tuttas persunas che scrivan contribuziuns ni commentaris dattan lur patratgs, senza esser ligiadas, a quei portal. Mo mintgaton fan ins sbagls, ni surves'ins enzatgei che croda si pèr memia tard. Aschia sa ei esser staus culs parasits (manegiau in tec humoristic) en quei tetel, che stat aunc adina silla emprema lingia entochen ch'ina autra novitad remplaza ei. Mo lu ei quei detail gleiti puspei …More
Tuttas persunas che scrivan contribuziuns ni commentaris dattan lur patratgs, senza esser ligiadas, a quei portal. Mo mintgaton fan ins sbagls, ni surves'ins enzatgei che croda si pèr memia tard. Aschia sa ei esser staus culs parasits (manegiau in tec humoristic) en quei tetel, che stat aunc adina silla emprema lingia entochen ch'ina autra novitad remplaza ei. Mo lu ei quei detail gleiti puspei emblidaus e perstgisaus ed enzatgei auter sveglia ina discussiun che sa esser informativs e sa far plascher sco quellas figuras 😉 che jeu enconuschel buc aunc.
Acedian
Dat ei insumma aunc enzatgi en quella baselgia ex-catolica post-conciliara ch'ei buca in parasit?
Da quei pugn da vesta fussan quels da s. Pieder l'elita dals parasits, manegia sora Philomena 🤨 che ha mintgaton curiosas ideas.
Landpfarrer
Da mia vart lessel serrar giu la discussiun damai che ils arguments serepetan.
Lessel mo aunc ina gada gir: L'entira caussa ha entschiet cun mia critica ch'ins astga sin quella pagina para senz'auter diffamar ina congregaziun dalla baselgia catolica (in concreto: FSSP,fraternitad sacerdotala da s. Pieder) )sco "parasits" senza ch'ils responsabels interprendien enzatgei, gie quella persuna che ha …More
Da mia vart lessel serrar giu la discussiun damai che ils arguments serepetan.
Lessel mo aunc ina gada gir: L'entira caussa ha entschiet cun mia critica ch'ins astga sin quella pagina para senz'auter diffamar ina congregaziun dalla baselgia catolica (in concreto: FSSP,fraternitad sacerdotala da s. Pieder) )sco "parasits" senza ch'ils responsabels interprendien enzatgei, gie quella persuna che ha scret quei para dad esser ligiada cun gloria.tv.
Quei ha aviert ils egls a mi !
Harmonia celestiala
Quei discuors ha ad interim contonschiu in tema nua che tuts han per part raschun, cu ins legia las explicaziuns logicas. Ils arguments da tuttas varts ein corrects e meriteivels e fetg interessants. .
La perseveronza da Gloria.tv ei honoreivla e ha gia effectuau bia.
Il pugn da vesta dil Landpfarrer ei medemamein interessants e bein ponderaus.
A tuts giavischel vinavon bien success per las stentas …More
Quei discuors ha ad interim contonschiu in tema nua che tuts han per part raschun, cu ins legia las explicaziuns logicas. Ils arguments da tuttas varts ein corrects e meriteivels e fetg interessants. .
La perseveronza da Gloria.tv ei honoreivla e ha gia effectuau bia.
Il pugn da vesta dil Landpfarrer ei medemamein interessants e bein ponderaus.
A tuts giavischel vinavon bien success per las stentas purschidas per ina buna intenziun.
Acedian
@Don Reto Nay 🤗
Jeu vess bugen saviu tgei che sgr Gorbatschov ha detg. Jeu saiel dil reminent buca avunda russ per capir ei.
Don Reto Nay
1. Gloria.tv englesa ha reagau sin la decisiun dils «uestgs» tudestgs d'introducir quei preparat diabolic. Buca vice versa.
2. Ei dat negina «perla dil suenter» che cuntegn buca in effect abortiv. Quei han ils «uestgs» tudestgs adina saviu. Gloria.tv tudestga ha scret pliras gadas a Meisner ch'el deigi communicar il num dalla «perla dil di suenter» che ils uestgs han lubiu. Negina risposta. Miedis …More
1. Gloria.tv englesa ha reagau sin la decisiun dils «uestgs» tudestgs d'introducir quei preparat diabolic. Buca vice versa.

2. Ei dat negina «perla dil suenter» che cuntegn buca in effect abortiv. Quei han ils «uestgs» tudestgs adina saviu. Gloria.tv tudestga ha scret pliras gadas a Meisner ch'el deigi communicar il num dalla «perla dil di suenter» che ils uestgs han lubiu. Negina risposta. Miedis en spitals catolics cun problems da cunscienzia han scret a Meisner. Negina risposta.

3. Gloria.tv tudestga ei ida la via dallas instanzas romanas. Negina risposta.

4. Emporti a Vus sco augsegner (?) enzatgei ch'ins mazza affons el num dalla baselgia? Ord Vies scriver haiel buca quella impressiun.
Landpfarrer
Vus scrivis:
Gloria.tv ha forsa contonschiu nuot denton buca, sco Vus scrivis, «il cuntrari» nun che Vus lessas dir che Gloria.tv seigi la cuolpa che uestgs tudestgs mazzan affons.
-------
Il resaultat ei denton il suandont: Avon dev'ins il preparat mo en paucas clinicas (ed era leu il pli probabel encuner las directivas episcopalas) , ussa vein nus quasi in "blanco-check". Dau ina lubientscha han …More
Vus scrivis:
Gloria.tv ha forsa contonschiu nuot denton buca, sco Vus scrivis, «il cuntrari» nun che Vus lessas dir che Gloria.tv seigi la cuolpa che uestgs tudestgs mazzan affons.
-------
Il resaultat ei denton il suandont: Avon dev'ins il preparat mo en paucas clinicas (ed era leu il pli probabel encuner las directivas episcopalas) , ussa vein nus quasi in "blanco-check". Dau ina lubientscha han ins denton tenor miu saver mo per preparats che han negin effect anti-abortativ. La damonda ei sch'ei dat preparats ch'ein conforms a quei criteri ni buc.
Sundel vinavon dil meini: Cun intervenziuns tier las instanzas ecclesiasticas cun seriusas expertisas da experts per medischina e teologia morala vess ins contonschiu dapli.
Don Reto Nay
@Landpfarrer:
Jeu smarveglel pli e pli fetg sco Vus untgis ora il problem. Vus sescaldeis sur d'in battaglinas sco «pader Lingen» (sundel s'informaus sur dad el) e sur da «metodas» schurnalisticas (ch'ins sa adina discussionar - en gliez temps ha ina gasetta mussau la cancelliera tudestga cun fatscha da Hitler; senza bia reacziuns).
El medem mument musseis Vus (sco augsegner?) ina indifferenza …More
@Landpfarrer:

Jeu smarveglel pli e pli fetg sco Vus untgis ora il problem. Vus sescaldeis sur d'in battaglinas sco «pader Lingen» (sundel s'informaus sur dad el) e sur da «metodas» schurnalisticas (ch'ins sa adina discussionar - en gliez temps ha ina gasetta mussau la cancelliera tudestga cun fatscha da Hitler; senza bia reacziuns).

El medem mument musseis Vus (sco augsegner?) ina indifferenza impressiunonta davart il fatg che «uestgs» mazzan affons e auters uestgs catolics queschen.

Quei e mo quei vegn ad esser «giustiziabel» ella dartgira da tuttas dartgiras. Quella dartgira ston ils uestgs e tuts che queschan temer.

Vos cussegls han voluntars da Gloria.tv dil reminent suandau (senza resultat...). L'abominaziun va vinavon: ier, oz, damaun... Ei quei a Vus tuttina?

Gloria.tv ha forsa contonschiu nuot denton buca, sco Vus scrivis, «il cuntrari» nun che Vus lessas dir che Gloria.tv seigi la cuolpa che uestgs tudestgs mazzan affons.

Plinavon: Denunziar assassins cun forza ei in bonum in se cunzun cu ina cultura dil quescher sto vegnir destruida.
Landpfarrer
@Don Reto Nay
Era il cumbat per ina buna caussa ei da menar cun metodas correctas.
Duvrar simbols naziunalsocialistics ei in act iustiziabel en differentas tiaras.
Scadin cass ei la strategia da vuler beghegiar si squetsch sillas instanzas ecclesiasticas via medias buca ida si mobei ins ha contonschiu il cuntrari.
Intervenziuns directas tier las instanzas responsablas (diocesas, vatican) vesssen …More
@Don Reto Nay
Era il cumbat per ina buna caussa ei da menar cun metodas correctas.
Duvrar simbols naziunalsocialistics ei in act iustiziabel en differentas tiaras.
Scadin cass ei la strategia da vuler beghegiar si squetsch sillas instanzas ecclesiasticas via medias buca ida si mobei ins ha contonschiu il cuntrari.
Intervenziuns directas tier las instanzas responsablas (diocesas, vatican) vesssen probablamein giu in meglier success?
Don Reto Nay
Aunc enzatgei: Jeu selegrel buca che jeu haiel raschun perquei che quels clericals che staupan oz las ureglias vegnan ad udir cu ei vegn ad esser memia tard.
Sco Gorbaciov ha detg: Я думаю, опасности только подстерегают тех, кто не реагирует на жизнь (cunquei che negin teidla saiel era scriver per russ...).More
Aunc enzatgei: Jeu selegrel buca che jeu haiel raschun perquei che quels clericals che staupan oz las ureglias vegnan ad udir cu ei vegn ad esser memia tard.

Sco Gorbaciov ha detg: Я думаю, опасности только подстерегают тех, кто не реагирует на жизнь (cunquei che negin teidla saiel era scriver per russ...).
Don Reto Nay
@Landpfarrer:
Jeu smarvegliel che Vus senumneis «landpfarrer» e haveis pauc ni nuot da dir sur dil fatg che uestgs «catolics» mazzan affons. Mazzar affons ei satanic. Sch'in uestg dat la lubientscha da mazzar eis el satanics. La Conferenza episcopala tudestga ha acceptau la «perla dil di suenter» senza opposiziun. Quei ei satanic.
Jeu enconuschel buca igl utilisader "Pader Lingen". Denton: Co …More
@Landpfarrer:

Jeu smarvegliel che Vus senumneis «landpfarrer» e haveis pauc ni nuot da dir sur dil fatg che uestgs «catolics» mazzan affons. Mazzar affons ei satanic. Sch'in uestg dat la lubientscha da mazzar eis el satanics. La Conferenza episcopala tudestga ha acceptau la «perla dil di suenter» senza opposiziun. Quei ei satanic.

Jeu enconuschel buca igl utilisader "Pader Lingen". Denton: Co ughegeis Vus d'attaccar el sche Vus sez cuschis davart la «perla dil di suenter» e defendis quels che lubeschan ella enstagl da denunziar il malfatg? Qui tacet consentire videtur.

Plinavon: Haveis Vus indicau il commentari da quei «Pater Lingen» alla redacziun?

Quei video davart quels «uestgs» era/ei deplorablamein la verdad. Daco rebelleis Vus encunter la verdad? Cura che Benedetg XVI ei vegnius mussaus malgestamein en uniforma naziunalsozialista ein paucs ni negins uestgs sescandalisai.

Il scandal encunter Gloria.tv ei vegnius organisaus buca dils uestgs mobeina dallas medias che propageschan la scatschada d'affons e odieschan la baselgia catolica. Ils uestgs han semplamein fatg ellas caultschas e priu quellas medias sco alliai.

La «perla dil di suenter» pertucca l'entira baselgia: ils tudestgs perquei ch'els drovan ella ed ils auters (inclusiv il papa) perquei ch'els queschan. Carteis Vus che Diu benedeschi ina baseglia che commetta talas abominaziuns?

Nus tuts savein che la baselgia va cun ils peis ensi. Quei ha ina raschun.
Landpfarrer
@Plaisch
Additamentum pertuccont statistica dallas ordinaziuns sacerdotalas.
Vus menziuneis suletamein la Svizra. Lezza ei buca "igl umblitg dil mund". En autras tiaras ves'ei ora auter. Enconuschel buca las cefras concretas. Denton p.ex. ord la Tiaratuestga ni l'Austria ha ei adina puspei dau ordinaziuns tier la FSSP.
Landpfarrer
Il emprem paragraf da Vies commentari ei diltutafatg nuncapeivels per mei.
"ad dignitatem"
Clar: En siu esser creatura da Diu schai la dignitad dil carstgaun. Ord quella dignitad sorteschan denton era dretgs concrets e nunviolabels che mintga carstgaun posseda. Quei ei la autentica tradiziun da dretgs humans che ins astga buca scumbegliar cun in autonomissem.
"ad parasitas"
Secapescha astgeis …More
Il emprem paragraf da Vies commentari ei diltutafatg nuncapeivels per mei.

"ad dignitatem"
Clar: En siu esser creatura da Diu schai la dignitad dil carstgaun. Ord quella dignitad sorteschan denton era dretgs concrets e nunviolabels che mintga carstgaun posseda. Quei ei la autentica tradiziun da dretgs humans che ins astga buca scumbegliar cun in autonomissem.
"ad parasitas"
Secapescha astgeis criticar la moda e maniera co ina congregaziun concreta ei vegnida fundadada.El cass da "FSSP" vev'ins denton sacerdots e seminarists "avon porta" che levan acceptar quei che msgr. Lefebvre veva acceptau ed ina notg pli tard puspei refusau. Els han buca survegniu in uestg denton schiglioc circa quei che Ruma era promts da conceder a Lefebvre. Ins stueva scaffir ina structura per quels che levan buca acceptar las consecrazuns episcopalas che stevan avon porta . Vus sco adherent fervent dalla lingia dad Econe veseis la caussa forsa empau auter. Quei giustifichescha denton buca dad numnar ina congregaziun "parasits"
ad 5 inferius
Enzatgei sco il sinomin tudestg per la titulatura "Sia Giazia" vesel ell' expressiun tudestga "Gnädiger Herr". Buca exact il medem denton il medem plaid. Sco "Gnädiger Herr" han ins era duvrau "Sia Grazia" buca mo sco titulatura per igl uestg mobein era per auters dignitaris ecclesiastics (p.ex. avat) e profans (p.ex. imperatur tochen "landvogt") mira art. grazcha 9, DRG 7 p.779.
ad 1-2 inferius
Sbagls san adina capitar quei ei clar. Remedura dess ei mo sche contribuziuns vegnessen examinadas ORDAVON ed era teologicamein. Accounts sco p.ex. "Pater Lingen" ein en scadin cass da serrar rigurusamein.
Plaisch
@ plevon campester
jeu engraziel per vies dubel laud a mia adressa, che la aveina ha caztgau vies nas e che vus engarteis en mei la vigur dil sulegl che schanegia nuot dil pli ferm que vegn memia damaneivel.
ad dignitatem
l'oraziun che vus numneis sereferescha al Creatur, qui humanae substantiae dignitatem condidisti, Dieus ha creau la dignitad che schai en siu esser Creatur. La heresia hodierna …More
@ plevon campester
jeu engraziel per vies dubel laud a mia adressa, che la aveina ha caztgau vies nas e che vus engarteis en mei la vigur dil sulegl che schanegia nuot dil pli ferm que vegn memia damaneivel.

ad dignitatem
l'oraziun che vus numneis sereferescha al Creatur, qui humanae substantiae dignitatem condidisti, Dieus ha creau la dignitad che schai en siu esser Creatur. La heresia hodierna fa ord ils carstgauns subjects autonoms che san far e schar tgei ch'ei vulan. Quei ei buca il senn dalla dignitad teologica.

ad parasitas
mintga congregaziun vegn fundada dad umens sogns, la fin dils quals ei savens dishonoronta, sche vus tertgeis p.ex. a sogn Gion Battesta dalla Salle. Ils frars da sogn Pieder denton han fatg nuot ord atgna vertid mo profitau da quei che Ruma haveva duront decennis snegau a Mgr Lefebvre. Congregaziuns vegnan pil solit renconuschidas da Ruma suenter in liung temps d'emprova, p.ex. ils Salesians, denton per wigratzbad ei quei stau dad oz ad endamaun, cun la suletta finamira officiala da trer naven dad Ecône prers e seminarists e fideivels.
Denton ei il cuntrari schabegau, els vegnan adina pli ferms, ed ils frars da sogn Pieder suenter 26 onns benedicziun papala han gnanc parturiu in spiritual svizzer. Dad Ecône ein vegni ô viers 40 spirituals, pli che in ad onn.
Da tgei profitescha Wigratzbad? dalla grazia da quescher. Mai aud ins da quels ina critica viers la politica suicidaria dalla Sontga Sedia.

ad 5 inferius (scret a sur Nay)
tgei sinonim tudestg duess jeu haver duvrau per "sia Grazia"?

ad 1-2 inferius (scret a sur Nay)
las moderaziuns drovan bia temps, mei ina ga ella secziun francesa mirar tgei que vegn produciu leu. Nunpusseivel da tut examinar. Jeu fetschel meinsvart is alla redacziun e pil solit vegn ei considerau, denton han ils redacturs aunc auter da far che studegiar mintga toffa.
Landpfarrer
@Harmonia celestiala
Da principi sundel da Vies meini: Toleranza ed era humor lvgiessen segiramein enqualina discussiun.
Per mei eis ei denton stau a fin cun humor e toleranza cura che jeu haiel stuiu leger che ina congregaziun dalla Baselgia catolica che presta aunc veramein buna lavur vegn titulada cheu sco "parasits".
Landpfarrer
@Don Reto Nay
Ad 1-2 ) Ina moderaziun si gloria.tv po exister ei denton tu
diltuttafatg munglusa sche expectoraziuns disfamontas vegnan acceptadas.
Ch' il CIC' 1917 seigi aunc en vigur haiel mai pretendiu. Haiel mo detg ch'ei drovi ina moderaziun che ins sappi da mei anora era numnar "censura" en quei senn che la Baselgia ha pli baul duvrau il plaid ed en quei connex menziunau il CIC 1917. Gie: …More
@Don Reto Nay
Ad 1-2 ) Ina moderaziun si gloria.tv po exister ei denton tu

diltuttafatg munglusa sche expectoraziuns disfamontas vegnan acceptadas.
Ch' il CIC' 1917 seigi aunc en vigur haiel mai pretendiu. Haiel mo detg ch'ei drovi ina moderaziun che ins sappi da mei anora era numnar "censura" en quei senn che la Baselgia ha pli baul duvrau il plaid ed en quei connex menziunau il CIC 1917. Gie: Jeu pretendel ina moderaziun che eleminescha commentaris disfamonts. Cheu ein da numnar per es. las expectoraziuns dil schinumnau "Pater Lingen", che pretenda che la hierachia seigi heretica e satanica ed il davos concil ecumenic nunvaleivels. Tals meinis han piars lidinuot sin ina pagina che vul essser catolica. Miu commentari che criticava in commentari en il qual Plaisch numna ina congregaziun dalla Baselgia "parasits" ei denton buca disfamonts mobein fa attents sin in tal agir disfamont.
Ad 3.) Ils canons citai valan buca mo en iniziativas suttamessas directamein alla hierarchia mobein sesanflan en in catalog da dretgs fundamentals. Surtut cura che in sacerdot cooperescha en ina inizitaiva ha el da procurar che tals dretgs vegnan buca trasora violai.
Ad 4.) In commentari disfamont era segiramein la montaga che mussava uestgs tudestgs cu in simbol naziunalsoliastic. Ellas novitads anfli'ns adina puspei noziuns che van buca a prau cu ina seriusa lavur jurnalistica. En ina contribiziun che senumna "news" ni "nchrichten" astg'ins cun raschun pretender dad anflar novitads objectivas e buca valetaziuns entras la redacziun.
Ad 5.) Quei ei Vies meini. Jeu saiel che la persuna che sezuppa sut "Plaisch" ha era giu la disa da duvrar bugen il sinonim tudestg per quella titulatura.
Ad 6.) Miu meini ei: ins ha fatg in schliet survetsch alla caussa ed als affons nunnaschi da duvrar tals mieds disfamonts per vuler far attents sin in scandel. Il pli probabel han tals mieds provocau la cunterreacziun: Biars patratgan ussa aschia: Sch' els prendan lur refugi tier talas metodas ein segiramein era lur arguments buca da prender serius.
One more comment from Landpfarrer
Landpfarrer
@Plaisch
Mo cuortas remarcas pertuccont Vossas declaraziuns.
Ad 1.) Da numnar ina congregaziun dalla Baselgia catolica "parasits" ei in agir nuntolerabel.
Igl ei quella noziun che ha sfurzau mei da scriver.
Beffa eis ei denton tenor miu meini dad insumma tschintschar da "respect e hofliadad" e lu disfamar ina congregaziun sco "parasits".
Ad 4 .)Da pretender che mintga carstgaun ha ina dignitad …More
@Plaisch
Mo cuortas remarcas pertuccont Vossas declaraziuns.
Ad 1.) Da numnar ina congregaziun dalla Baselgia catolica "parasits" ei in agir nuntolerabel.
Igl ei quella noziun che ha sfurzau mei da scriver.
Beffa eis ei denton tenor miu meini dad insumma tschintschar da "respect e hofliadad" e lu disfamar ina congregaziun sco "parasits".
Ad 4 .)Da pretender che mintga carstgaun ha ina dignitad persunala ei buc ina inventaziun moderna mobein ei in element integral dalla cardientscha ed ha era nuot da far culla heresia dall'apocastasis. Mira oraziun "Deus qui hamanae substantiae dignitatem " dalla tiarza messa da Nadal e tier la mischeida da vin ed aua.
Ad 5.)Dubetel buca ch'ei dat biaras e bunas contribuziuns sin quella pagina.
Deplorablamein vegnan quellas denton quasi svaletedas entras la preschientscha da commentaris sco il Vies.
Plaisch
@Landpfarrer
Salvis rebus Raeti domni Nay saiel aunc dir il suandont :
1. il tetel haiel jeu mess ed el ei ina critica da Ruma e buca digl uestg da Cuera. Quel selai trer en ina trapla.
2. La hofliadad sereferescha ad interna denter mei e Mgr Huonder, ed ei buca beffa da tschelar quei.
3. Il bien cumin (bonum comune) ha da far nuot en nies discuors, ei setractass sil pli dalla cardientscha a proteger …More
@Landpfarrer
Salvis rebus Raeti domni Nay saiel aunc dir il suandont :
1. il tetel haiel jeu mess ed el ei ina critica da Ruma e buca digl uestg da Cuera. Quel selai trer en ina trapla.
2. La hofliadad sereferescha ad interna denter mei e Mgr Huonder, ed ei buca beffa da tschelar quei.
3. Il bien cumin (bonum comune) ha da far nuot en nies discuors, ei setractass sil pli dalla cardientscha a proteger sin palancau public. Propi quei fa Ruma buca, e da criticar quei ei buca sarcassem. Ruma ei plitost occupaus cun defender sia gloria, e sacrifichescha ad incontin uestgs per bagatellas.
4. La dignitad dallas persunas ei in tierm dalla baselgia moderna, e stat alla basa dalla apostasia ufficiala. Las olmas prendan las distanzas dil sacrifeci eucaristic e quels que lessen vegnir vitier vegnan teni lunsch. Ei impurtass buca tgei crer, e tuts fussen salvai muort la mort historica da Niessegner. Quei ei nuot auter che heretic, e la “canonisaziun” dils davos papas ei in scandal senza paregl per quels che ein vegni martirisai per haver insistiu ella verdad apostolica, p.ex. ils sogns Cosmas e Damian.
5. gloria.tv porta biaras contribuziuns catolicas, ei tunschess da tedlar ils excellents priedis che sur Reto pren si cun bia breigias. Era autras contribuziuns catolicas dat ei, p.ex. da jamacor che publichescha ils documents digl Opus Dei.
Harmonia celestiala
@Landpfarrer & co.
Prendei quellas discussiuns in tec pli levs, sco paterladas denter amitgs ni frars christians e buca mo tenor paragrafs.
Acceptei vicendeivlamein in tec humor e toleranza, lu leg'ins bugen tuts vies commentaris, che ein interessants ed informativs. Els fussen lu era capeivels per ils auters utilisaders, che savessen forsa era ughegiar da dar vitier lur divers meinis.