Acedian
1526

Commentari: Uestg Huonder a Vella

Quei ha in car amitg tarmess a mi

Deplorablamein entaupa Mons. Vitus Huonder burgheis da Mustér e naschius a Trun (in romontsch genuin e forsa il davos uestg romontsch da Cuera, malgrad la previsiun da siu antecessur Mons. Christian Caminada che pretendeva d'esser il davos uestg romontsch) bia barricadas ella " Surselva da messa".

Ins sto buca sesmarvegliar sche schizun a Vella nua ch'in siu convischin, amitg ed anteriur conventual petga cul marti grond encunter il zun premurau uestg Mons. Vitus che va ordavon a sia muntanera cun dignitad, premura e bien exempel e savess repeter la definiziun gartegiada per in uestg, sco il cardinal Andrea Carlo Ferrari scheva: "L'episcopat ei in precipezi da tribulaziuins (aerumnarum abyssus).“

Gie, il cardinal Ferrari perdegava savens: "Catechissem, catechissem". Quei cudisch dad aur ei per nus muossavia. Ins stuess leger el pertuccond la sontga Creisma, naven dagl artichel 1285, surtut la numera 1312, che relata pils lumnezians e per nus roman-catolics sur dil "minister dalla Creisma".

Sche l'unitad cul pastur dalla diocesa maunca, lu daventa nossa baselgia ina secta tarladida ed ella vegn ad experimentar quei che sogn Alfons de Liquori scheva alla congregaziun dad el fundada: "Finita obbedienza, finita congregazione".
Abramo
Deplorablamein vala per uestg Huonder (ch'ei in miez talianer) era quei che Benito Mussolini ha detg: "Il tradito potrà anche essere un ingenuo, ma il traditore rimarrà sempre un infame!"