Sontga Ludivina, purschala. pdf: cheu l'entira historia Sontga Ludivina, purschala Ils 15 d’avrel: Sontga Ludivina, purschala Sontga Ludivina vegn mirada dils malsauns per spieghel da sontga pazienzia …Daplü
Sontga Ludivina, purschala.
pdf: cheu l'entira historia
Sontga Ludivina, purschala
Ils 15 d’avrel: Sontga Ludivina, purschala
Sontga Ludivina vegn mirada dils malsauns per spieghel da sontga pazienzia. Ella ei naschida sco novavel affon e suletta feglia en Hollandia ord paupra famiglia, denton reha en vertids. Gia da pintga saveva ella ch’ella daventi ina survienta dil Segner, pertgei ella rugava savens Diu da mantener ella purschala. Ludivina, da natira schi biala, ha per buca stuer sespusar cun 15 onns, rugau Niessegner da schar daventar ella macorta, per che negin um miri sin ella. Diu ha tedlau siu riug e dau ad ella la caschun da daventar in exempel da spir pazienzia. Sin siu 15avel onn da naschientscha eis ella fruntada cun in’amitga sil glatsch e rut ina costa. Igl ei daveras stau la veglia da Diu, pertgei negins miedis savevan gidar a medegar la ruttadira. Per ella ha in grev pitir e suffrir entschiet che ha cuzzau entuorn 38 onns. Malsognas e mals dalla membra consumavan il tgierp e caschunavan di e notg sgarscheivlas dolurs. Ils emprems quater onns plirava e bargeva ella e seschava buca confortar. Diu ha lu procurau ch’in pietus spiritual ei ius tier Ludivina e declarau ad ella sco sogns e sontgas hagien viviu e suffriu il marteri per amur da Cristus, per puder contonscher la gloria dil parvis. Quei augsegner metta a cor ad ella il cruzifix e cusseglia da meditar la passiun da Cristus. Dad ussa naven seconfortava ella cul cruzifigau e fuva daventada pazienta e sontga enter suffrir sias dolurs, schend: Sche jeu savess vegnir sauna cun in salidada, sche fagess jeu buca quei. Denton ei la mumma morta e Ludivina ha regalau ad ella per la beada gloria tut ses mals, siu pitir, sias oraziuns, novenas ed auters acts da sontgadad. Mo cheu en sia miseria ha ella era patertgau vid ils paupers e dau naven tut la rauba, sias almosnas e perfin da sia vivonda a vieuas, orfans, pelegrins e malsauns. Sias bialas vertids vegnevan dapertut enconuschentas, aschia ch’ella vegneva schizun visitada da glieud pli nobla che fagevan ad ella grondas almosnas, per ch’ella sappi gidar dapli ils basignus. Tier esser pazienta, fuva Ludivina aunc fetg humiliteivla e selegrava da saver lavar giu la cuolpa e meritar ton pli la gloria dil parvis. A tuts deva ella exempel e mussament sco sedepurtar per ir la via dil parvis ed ella scheva: Buca il liug, mobein la veta fa sogns il carstgaun! Ludivina restava fetg consolada, pertgei ella vegneva savens visitada da siu aunghel che menava ella cul spért egl uffiern, el purgatieri ed en parvis. Era Cristus sez fuva pli ch’ina ga cumparius e stampau ad ella sias plagas el tgierp. Quei fuva daventau l’emprema ga suenter 17 onns da siu pitir. Ludivina veva era retschiert il dun da profetisar. Ella pudeva enconuscher ils puccaus zuppai ed era volver biars pucconts tier la penetienzia. Biaras persunas vegnevan tier la sontga per agid e cussegl ed entras si‘oraziun han era biars survegniu la sanadad. Suenter esser stada 38 onns empruada cun malsognas e dolurs, ha Diu schau saver ella l‘ura da sia mort. Ella roga per perdun tut quels ch’ella ha sin ina moda u l’autra offendiu. La sera avon la fiasta da Pastgas ei Cristus cumparius cun sia sontga mumma en cumpignia d‘aunghels ed era dils apostels ed ha confortau ed unschiu sia sontga survienta cun in étg zun marviglius e plein odur.
Il tierz di suenter Pastgas, ils 14 d’avrel 1433, en preschientscha da siu nevs eis ella spartida. Siu confessur ha lu anflau la sontga leu cun fatscha sereina e legreivla e biala sco da giuvna, per enzenna ch’ella seigi enta parvis. Il sogn tgierp ei vegnius satraus solemnamein en la baselgia parochiala da sogn Gion Battesta, nua che biaras miraclas ein silsuenter daventadas.
pdf: cheu l'entira historia
Sontga Ludivina, purschala
Ils 15 d’avrel: Sontga Ludivina, purschala
Sontga Ludivina vegn mirada dils malsauns per spieghel da sontga pazienzia. Ella ei naschida sco novavel affon e suletta feglia en Hollandia ord paupra famiglia, denton reha en vertids. Gia da pintga saveva ella ch’ella daventi ina survienta dil Segner, pertgei ella rugava savens Diu da mantener ella purschala. Ludivina, da natira schi biala, ha per buca stuer sespusar cun 15 onns, rugau Niessegner da schar daventar ella macorta, per che negin um miri sin ella. Diu ha tedlau siu riug e dau ad ella la caschun da daventar in exempel da spir pazienzia. Sin siu 15avel onn da naschientscha eis ella fruntada cun in’amitga sil glatsch e rut ina costa. Igl ei daveras stau la veglia da Diu, pertgei negins miedis savevan gidar a medegar la ruttadira. Per ella ha in grev pitir e suffrir entschiet che ha cuzzau entuorn 38 onns. Malsognas e mals dalla membra consumavan il tgierp e caschunavan di e notg sgarscheivlas dolurs. Ils emprems quater onns plirava e bargeva ella e seschava buca confortar. Diu ha lu procurau ch’in pietus spiritual ei ius tier Ludivina e declarau ad ella sco sogns e sontgas hagien viviu e suffriu il marteri per amur da Cristus, per puder contonscher la gloria dil parvis. Quei augsegner metta a cor ad ella il cruzifix e cusseglia da meditar la passiun da Cristus. Dad ussa naven seconfortava ella cul cruzifigau e fuva daventada pazienta e sontga enter suffrir sias dolurs, schend: Sche jeu savess vegnir sauna cun in salidada, sche fagess jeu buca quei. Denton ei la mumma morta e Ludivina ha regalau ad ella per la beada gloria tut ses mals, siu pitir, sias oraziuns, novenas ed auters acts da sontgadad. Mo cheu en sia miseria ha ella era patertgau vid ils paupers e dau naven tut la rauba, sias almosnas e perfin da sia vivonda a vieuas, orfans, pelegrins e malsauns. Sias bialas vertids vegnevan dapertut enconuschentas, aschia ch’ella vegneva schizun visitada da glieud pli nobla che fagevan ad ella grondas almosnas, per ch’ella sappi gidar dapli ils basignus. Tier esser pazienta, fuva Ludivina aunc fetg humiliteivla e selegrava da saver lavar giu la cuolpa e meritar ton pli la gloria dil parvis. A tuts deva ella exempel e mussament sco sedepurtar per ir la via dil parvis ed ella scheva: Buca il liug, mobein la veta fa sogns il carstgaun! Ludivina restava fetg consolada, pertgei ella vegneva savens visitada da siu aunghel che menava ella cul spért egl uffiern, el purgatieri ed en parvis. Era Cristus sez fuva pli ch’ina ga cumparius e stampau ad ella sias plagas el tgierp. Quei fuva daventau l’emprema ga suenter 17 onns da siu pitir. Ludivina veva era retschiert il dun da profetisar. Ella pudeva enconuscher ils puccaus zuppai ed era volver biars pucconts tier la penetienzia. Biaras persunas vegnevan tier la sontga per agid e cussegl ed entras si‘oraziun han era biars survegniu la sanadad. Suenter esser stada 38 onns empruada cun malsognas e dolurs, ha Diu schau saver ella l‘ura da sia mort. Ella roga per perdun tut quels ch’ella ha sin ina moda u l’autra offendiu. La sera avon la fiasta da Pastgas ei Cristus cumparius cun sia sontga mumma en cumpignia d‘aunghels ed era dils apostels ed ha confortau ed unschiu sia sontga survienta cun in étg zun marviglius e plein odur.
Il tierz di suenter Pastgas, ils 14 d’avrel 1433, en preschientscha da siu nevs eis ella spartida. Siu confessur ha lu anflau la sontga leu cun fatscha sereina e legreivla e biala sco da giuvna, per enzenna ch’ella seigi enta parvis. Il sogn tgierp ei vegnius satraus solemnamein en la baselgia parochiala da sogn Gion Battesta, nua che biaras miraclas ein silsuenter daventadas.