03:42
L'ANNUNZIAZIONI (L'Annunciazione in versi SICILIANI) a cura di don Pino Licciardi. L'ANNUNZIAZIONI (L'Annunciazione in versi SICILIANI) a cura di don Pino Licciardi A seguire i versi in siciliano …Altro
L'ANNUNZIAZIONI (L'Annunciazione in versi SICILIANI) a cura di don Pino Licciardi.
L'ANNUNZIAZIONI (L'Annunciazione in versi SICILIANI) a cura di don Pino Licciardi
A seguire i versi in siciliano delle strofe.
L'ANNUNZIAZIONI
(Luca 1, 26-38)
Cu a matinata tutti l'orazioni
s'avia finutu cu gran divuzioni.
Ora si priparava a spirugghiari
tutti li cosi chi ci sû di fari
ogni jornu nta casa, ca Maria
tutti li cosi in ordini tinia.
Lu paiseddu d'unni ch'idda stava
Nazaret propriamenti si chiamava.
La so famigghia già l'avia mpignatu
cu un giuvani du postu, sistimatu,
travagghiaturi onestu e rispittatu:
Giuseppi u falignami era chiamatu.
Ma siddu assai modestu era u so statu
appartinia di David o casatu:
un c'eranu ricchizzi, ma suduri,
e mmenzu a genti avia tantu onuri.
La casa di Maria dda matinata
all'improvisu tutta illuminata
ci parsi, mentri un essiri di luci
ci accumpariu e subitu a so vuci
idda sintiu: "Rallegrati, Maria,
china di grazia, u Signuri è cu tia!"
A ddu mumentu ci arristò turbata,
ca strana ci sunava a salutata.
Ma l'ancilu Gabrieli, ca mannatu
a Maria di l'Altissimu avia statu,
subitu la cunforta: "Un ti scantari!
Na mmasciata di Diu ti vegnu a dari:
truvasti grazia avanti a lu Signuri
e nta so menti tu si a tutti l'uri.
Tu ncinta hai a ristari e a luci dari
un figghiu, ca Gesù s'havi a chiamari.
Stu figghiu è distinatu a divintari
davveru granni, ca s'havi a chiamari
di l' Altissimu u Figghiu, e lu Signuri
supra o tronu di Davidi, cu onuri,
picchì ad Iddu ci spetta, u fa assittari,
e nta casa i Giacobbi havi a regnari
pi sempri, e lu so regnu havi a durari
pi seculi e giammai havi a tramuntari.
Maria, ch'è na picciotta assai prudenti,
all'ancilu addumanna saggiamenti:
"Ma comu chistu mi po capitari
si cu l'omini nenti ci haiu a chi fari?"
E l'ancilu arrispunni:" Chistu avveni:
lu Spiritu Santu supra i tia veni,
e a vita dintra i tia suscita, e u figghiu
chi nasci i tia, di l'Altissimu è Figghiu!
Pensa ca a to parenti Elisabetta,
sterili ch'era, un picciriddu aspetta.
Chiusa era a porta ca si trova aperta
e la notizia è cosa oramai certa:
sunnu sei misi ch'idda è in gravidanza
e lu so cori scoppia d'esultanza.
Nun c'è cosa ca Diu nun la pò fari:
tuttu havi o so putiri suttastari.
Nenti pi Diu è impossibili". E Maria
ca cridi a chistu dici: "Quantu a mia,
sugnu sulu la serva du Signuri;
avvegna a mia secunnu u so vuliri".
Suspira e grapi i manu p'accittari
quantu u Signuri cu idda voli fari.
L'ancilu, appena senti sta parola,
raggianti versu o celu si nni vola.
Giuseppe Licciardi (Padre Pino)
L'ANNUNZIAZIONI (L'Annunciazione in versi SICILIANI) a cura di don Pino Licciardi
A seguire i versi in siciliano delle strofe.
L'ANNUNZIAZIONI
(Luca 1, 26-38)
Cu a matinata tutti l'orazioni
s'avia finutu cu gran divuzioni.
Ora si priparava a spirugghiari
tutti li cosi chi ci sû di fari
ogni jornu nta casa, ca Maria
tutti li cosi in ordini tinia.
Lu paiseddu d'unni ch'idda stava
Nazaret propriamenti si chiamava.
La so famigghia già l'avia mpignatu
cu un giuvani du postu, sistimatu,
travagghiaturi onestu e rispittatu:
Giuseppi u falignami era chiamatu.
Ma siddu assai modestu era u so statu
appartinia di David o casatu:
un c'eranu ricchizzi, ma suduri,
e mmenzu a genti avia tantu onuri.
La casa di Maria dda matinata
all'improvisu tutta illuminata
ci parsi, mentri un essiri di luci
ci accumpariu e subitu a so vuci
idda sintiu: "Rallegrati, Maria,
china di grazia, u Signuri è cu tia!"
A ddu mumentu ci arristò turbata,
ca strana ci sunava a salutata.
Ma l'ancilu Gabrieli, ca mannatu
a Maria di l'Altissimu avia statu,
subitu la cunforta: "Un ti scantari!
Na mmasciata di Diu ti vegnu a dari:
truvasti grazia avanti a lu Signuri
e nta so menti tu si a tutti l'uri.
Tu ncinta hai a ristari e a luci dari
un figghiu, ca Gesù s'havi a chiamari.
Stu figghiu è distinatu a divintari
davveru granni, ca s'havi a chiamari
di l' Altissimu u Figghiu, e lu Signuri
supra o tronu di Davidi, cu onuri,
picchì ad Iddu ci spetta, u fa assittari,
e nta casa i Giacobbi havi a regnari
pi sempri, e lu so regnu havi a durari
pi seculi e giammai havi a tramuntari.
Maria, ch'è na picciotta assai prudenti,
all'ancilu addumanna saggiamenti:
"Ma comu chistu mi po capitari
si cu l'omini nenti ci haiu a chi fari?"
E l'ancilu arrispunni:" Chistu avveni:
lu Spiritu Santu supra i tia veni,
e a vita dintra i tia suscita, e u figghiu
chi nasci i tia, di l'Altissimu è Figghiu!
Pensa ca a to parenti Elisabetta,
sterili ch'era, un picciriddu aspetta.
Chiusa era a porta ca si trova aperta
e la notizia è cosa oramai certa:
sunnu sei misi ch'idda è in gravidanza
e lu so cori scoppia d'esultanza.
Nun c'è cosa ca Diu nun la pò fari:
tuttu havi o so putiri suttastari.
Nenti pi Diu è impossibili". E Maria
ca cridi a chistu dici: "Quantu a mia,
sugnu sulu la serva du Signuri;
avvegna a mia secunnu u so vuliri".
Suspira e grapi i manu p'accittari
quantu u Signuri cu idda voli fari.
L'ancilu, appena senti sta parola,
raggianti versu o celu si nni vola.
Giuseppe Licciardi (Padre Pino)