02:49
MANCIA, VIVI E DIVERTITI (MANGIA, VIVI E DIVERTITI) in versi siciliani di Padre Giuseppe Licciardi. Il Vangelo che abbiamo ascoltato giorni fa di Luca 12, 13-21 riportato in versi siciliani da ascoltare …Altro
MANCIA, VIVI E DIVERTITI (MANGIA, VIVI E DIVERTITI) in versi siciliani di Padre Giuseppe Licciardi.
Il Vangelo che abbiamo ascoltato giorni fa di Luca 12, 13-21 riportato in versi siciliani da ascoltare e leggere allo stesso tempo (Cliccare su Espandi), a cura di don Pino Licciardi.
MANCIA, VIVI E DIVERTITI!
(Luca 12, 13-21)
Sapennu ca a parola du Signuri
pisava, ed era ntisa cu timuri,
uno di mmenzu a fudda u so parrari
accuminciò: "Maistru, un ti siddiari,
un favuri t'avissi a dumannari:
siddu a me frati tu ci pò parrari,
dicci di spàrtiri l'ereditati
cu mia, picchì a la fini semu frati".
Ma Gesù stranamenti ci arrispunni:
"Amicu miu, vurria sapiri d'unni
mi veni a mia tutta st'autoritati.
Nuddu mi fici jurici. Accurdati
tra vuatri sta facenna, si putiti".
E a tutti poi si vota: "A vui, sintiti:
tinitivi luntani 'i l'avarizia,
ca è comu a fami, ca mai nenti sazia!
Tutti i ricchizzi ca unu pò assummari
un bastanu p' a vita assicurari,
picchì la vita nun si pò accattari,
e ognunu, prima o poi, l'avi a lassari".
E, a propositu, poi metti a cuntari
na parabula e a genti sta attintari.
La storia iddu la cunta pi spiegari
ca a vita nun dipenni di dinari.
L'annata favurevuli avia statu
e a campagna d'un riccu avia purtatu
fruttu accussì abbunnanti ca un sapìa
d'unni sti beni mettiri putìa.
Tra d'iddu arraggiunava: "Cosa ê fari?
ca chiddu ch'ê ricotu un ci pò stari
nte magaseni. U largu nun m'abbasta
p'ammassari u furmentu e quantu arresta.
Ora jettu nterra tutti i magaseni
e li fazzu cchiù granni, e li me beni
ci mettu dintra. E finalmenti mpaci
mi pozzu stinnicchiari, ca mi piaci
gudirimi la vita e fari festa!
"Mancia, vivi, divertiti! C'arresta?"
Chiddu chi ci haiu mi basta pi tant'anni,
e ci pozzu campari senza affanni.
Mentri chi sti discursi si jia facennu,
senti a vuci di Diu chi sta dicennu:
"Stòlitu! I cunti boni un li sai fari.
Stanotti stissa a vita â cunsignari.
Tutta sta roba ch'hai ammunziddatu
a cu havi a jiri?". Chistu è u risultatu
di cu accumula i beni sulu p'iddu,
ma avanti a Diu nun porta pò un capiddu.
Giuseppe Licciardi (Padre Pino)
Il Vangelo che abbiamo ascoltato giorni fa di Luca 12, 13-21 riportato in versi siciliani da ascoltare e leggere allo stesso tempo (Cliccare su Espandi), a cura di don Pino Licciardi.
MANCIA, VIVI E DIVERTITI!
(Luca 12, 13-21)
Sapennu ca a parola du Signuri
pisava, ed era ntisa cu timuri,
uno di mmenzu a fudda u so parrari
accuminciò: "Maistru, un ti siddiari,
un favuri t'avissi a dumannari:
siddu a me frati tu ci pò parrari,
dicci di spàrtiri l'ereditati
cu mia, picchì a la fini semu frati".
Ma Gesù stranamenti ci arrispunni:
"Amicu miu, vurria sapiri d'unni
mi veni a mia tutta st'autoritati.
Nuddu mi fici jurici. Accurdati
tra vuatri sta facenna, si putiti".
E a tutti poi si vota: "A vui, sintiti:
tinitivi luntani 'i l'avarizia,
ca è comu a fami, ca mai nenti sazia!
Tutti i ricchizzi ca unu pò assummari
un bastanu p' a vita assicurari,
picchì la vita nun si pò accattari,
e ognunu, prima o poi, l'avi a lassari".
E, a propositu, poi metti a cuntari
na parabula e a genti sta attintari.
La storia iddu la cunta pi spiegari
ca a vita nun dipenni di dinari.
L'annata favurevuli avia statu
e a campagna d'un riccu avia purtatu
fruttu accussì abbunnanti ca un sapìa
d'unni sti beni mettiri putìa.
Tra d'iddu arraggiunava: "Cosa ê fari?
ca chiddu ch'ê ricotu un ci pò stari
nte magaseni. U largu nun m'abbasta
p'ammassari u furmentu e quantu arresta.
Ora jettu nterra tutti i magaseni
e li fazzu cchiù granni, e li me beni
ci mettu dintra. E finalmenti mpaci
mi pozzu stinnicchiari, ca mi piaci
gudirimi la vita e fari festa!
"Mancia, vivi, divertiti! C'arresta?"
Chiddu chi ci haiu mi basta pi tant'anni,
e ci pozzu campari senza affanni.
Mentri chi sti discursi si jia facennu,
senti a vuci di Diu chi sta dicennu:
"Stòlitu! I cunti boni un li sai fari.
Stanotti stissa a vita â cunsignari.
Tutta sta roba ch'hai ammunziddatu
a cu havi a jiri?". Chistu è u risultatu
di cu accumula i beni sulu p'iddu,
ma avanti a Diu nun porta pò un capiddu.
Giuseppe Licciardi (Padre Pino)