Sogn Ludivic, retg dalla Frontscha e confessur. pdf: cheu l'entira historia Sogn Ludivic, retg dalla Frontscha e confessur Ils 25 d’uost: Sogn Ludivic, retg dalla Frontscha e confessur Sogn Ludivic ei …Daplü
Sogn Ludivic, retg dalla Frontscha e confessur.
pdf: cheu l'entira historia
Sogn Ludivic, retg dalla Frontscha e confessur
Ils 25 d’uost: Sogn Ludivic, retg dalla Frontscha e confessur
Sogn Ludivic ei naschius en Frontscha ils 23 d’avrel 1215, sco fegl da retg Ludivic VIII. Cun 12 onns piarda el il bab. La valerusa e sontga mumma educhescha il fegl en tema da Diu e dat ad el buns mussaders. Il giuvenet preferescha ina veta sontga e religiusa. Cun 19 onns sespusa el cun ina feglia dil duca e schendra cun ella 4 fegls ch’els han educau en carezia ed obedientscha. Fundaus cun bia vertids ha Ludivic adina giu bien quitau per paupers e basignus. Mintgadi spisgenta el varga 100 paupers en siu palaz e dallas fiastas ecclesiasticas schizun il dubel. Il sogn retg scaffescha lu en siu palaz ina caplutta e tschenta lien ina cruna da spinas, ina particla dalla sontga crusch e dalla lontscha che veva aviert la costa da Jesus. Particulara devoziun purtava Ludivic tier Nossadunna ed il sontgissim Sacrament digl altar. Duront la sontga messa ei Cristus inaga veseivlamein cumparius en la sontga blada sco pign affon. Cura ch’il pievel curreva neutier per veser quella miracla, ha il retg detg ch’el creigi enten la preschientscha da Cristus senza stuer veser. Per defender e derasar la cardientscha catolica, ei il sogn sestentaus fetg, mo era pitiu bia. Gia da giuven veva el ragischau ora las heresias e tschentau stregns decrets encunter ils herets da siu reginavel. El leva esser gests e buns cun pign e grond, cun pauper e reh. In di vegn el tut anetg surprius d’ina malsogna mortala. Cheu fa el il vut, sch’el vegni sauns vegli el sez menar in’armada encunter ils nuncartents che levan conquistar la Tiarasontga. E daveras, Ludivic vegn sauns, retscheiva digl uestg da Paris la crusch benedida, tschenta ensemen ina gronda armada da prencis, uestgs e schuldada e passa la mar. En Egipta cumbatta el cun sia armada ils Saracens. Mo ussa ha ina malsogna tussegada raffau naven biars da sia glieud, aschia che schizun el sez ei daventaus perschunier dils Tercs. Per vegnir libers dalla perschunia sto Ludivic far pasch culs Saracens e tarmetter sia glieud anavos en Frontscha. El sez denton resta per 5 onns egl Orient per saver spindrar ils sclavs e menar ils nuncartents tier la cardientscha cristiana. In di retscheiva el las novas che la mumma segi morta ed el tuorna en Frontscha per rugalar ils fatgs da siu reginavel. Cheu lai il sogn retg baghegiar spitals, baselgias, claustras ed aunc casas e lazarets per glieud veglia. Da tala carezia e buontad han ins palesau lunsch sur ils cunfins dalla Frontscha ora. Lu survegn el igl avis ch’ils cristians egl Orient seigien fetg travigliai. Cun ina gronda armada e plein fidonza passa Ludivic igl onn 1270 la mar per saver frenar ils Tercs. Contonschend l’Africa ei la muria rutta ora ed ils biars da sia glieud ein daventai unfrenda da quella malsogna. Era il retg sez vegn taccaus dalla pestilenza e senta che sia veta va encunter la fin. El retscheiva la sontga Communiun, recamonda sesez e siu pievel a Diu e dat al fegl Filip sontgas instrucziuns. Bein provedius culs sogns Sacraments aulza il moribund ils egls encunter tschiel e pronunzia cul retg David: o Segner, jeu vi ir en tiu sogn tempel e confessar il tiu num! Cun quels plaids passa quei bien retg ils 25 d’uost digl onn 1270 vi en la beada pasch dil sogn parvis. Siu tgierp vegn transportaus da Tunis en Frontscha e satraus en la magnifica baselgia da sogn Dionisi. Muort las biaras miraclas vegn il grond survient da Diu igl onn 1297 canonisaus da papa Bonifaci VIII.
pdf: cheu l'entira historia
Sogn Ludivic, retg dalla Frontscha e confessur
Ils 25 d’uost: Sogn Ludivic, retg dalla Frontscha e confessur
Sogn Ludivic ei naschius en Frontscha ils 23 d’avrel 1215, sco fegl da retg Ludivic VIII. Cun 12 onns piarda el il bab. La valerusa e sontga mumma educhescha il fegl en tema da Diu e dat ad el buns mussaders. Il giuvenet preferescha ina veta sontga e religiusa. Cun 19 onns sespusa el cun ina feglia dil duca e schendra cun ella 4 fegls ch’els han educau en carezia ed obedientscha. Fundaus cun bia vertids ha Ludivic adina giu bien quitau per paupers e basignus. Mintgadi spisgenta el varga 100 paupers en siu palaz e dallas fiastas ecclesiasticas schizun il dubel. Il sogn retg scaffescha lu en siu palaz ina caplutta e tschenta lien ina cruna da spinas, ina particla dalla sontga crusch e dalla lontscha che veva aviert la costa da Jesus. Particulara devoziun purtava Ludivic tier Nossadunna ed il sontgissim Sacrament digl altar. Duront la sontga messa ei Cristus inaga veseivlamein cumparius en la sontga blada sco pign affon. Cura ch’il pievel curreva neutier per veser quella miracla, ha il retg detg ch’el creigi enten la preschientscha da Cristus senza stuer veser. Per defender e derasar la cardientscha catolica, ei il sogn sestentaus fetg, mo era pitiu bia. Gia da giuven veva el ragischau ora las heresias e tschentau stregns decrets encunter ils herets da siu reginavel. El leva esser gests e buns cun pign e grond, cun pauper e reh. In di vegn el tut anetg surprius d’ina malsogna mortala. Cheu fa el il vut, sch’el vegni sauns vegli el sez menar in’armada encunter ils nuncartents che levan conquistar la Tiarasontga. E daveras, Ludivic vegn sauns, retscheiva digl uestg da Paris la crusch benedida, tschenta ensemen ina gronda armada da prencis, uestgs e schuldada e passa la mar. En Egipta cumbatta el cun sia armada ils Saracens. Mo ussa ha ina malsogna tussegada raffau naven biars da sia glieud, aschia che schizun el sez ei daventaus perschunier dils Tercs. Per vegnir libers dalla perschunia sto Ludivic far pasch culs Saracens e tarmetter sia glieud anavos en Frontscha. El sez denton resta per 5 onns egl Orient per saver spindrar ils sclavs e menar ils nuncartents tier la cardientscha cristiana. In di retscheiva el las novas che la mumma segi morta ed el tuorna en Frontscha per rugalar ils fatgs da siu reginavel. Cheu lai il sogn retg baghegiar spitals, baselgias, claustras ed aunc casas e lazarets per glieud veglia. Da tala carezia e buontad han ins palesau lunsch sur ils cunfins dalla Frontscha ora. Lu survegn el igl avis ch’ils cristians egl Orient seigien fetg travigliai. Cun ina gronda armada e plein fidonza passa Ludivic igl onn 1270 la mar per saver frenar ils Tercs. Contonschend l’Africa ei la muria rutta ora ed ils biars da sia glieud ein daventai unfrenda da quella malsogna. Era il retg sez vegn taccaus dalla pestilenza e senta che sia veta va encunter la fin. El retscheiva la sontga Communiun, recamonda sesez e siu pievel a Diu e dat al fegl Filip sontgas instrucziuns. Bein provedius culs sogns Sacraments aulza il moribund ils egls encunter tschiel e pronunzia cul retg David: o Segner, jeu vi ir en tiu sogn tempel e confessar il tiu num! Cun quels plaids passa quei bien retg ils 25 d’uost digl onn 1270 vi en la beada pasch dil sogn parvis. Siu tgierp vegn transportaus da Tunis en Frontscha e satraus en la magnifica baselgia da sogn Dionisi. Muort las biaras miraclas vegn il grond survient da Diu igl onn 1297 canonisaus da papa Bonifaci VIII.
